ايدىنى الاكولدىڭ اينادايىن

الاكول – وڭىردەگى تۋريستىك الە­ۋەتى زور ايماق. سوندىقتان ءوڭىردىڭ تۋريستىك تارتىمدىلىعىن ودان ءارى ارت­تىرۋ ءۇشىن كول جاعالاۋىنداعى ينفرا­قۇرىلىمدى دامىتۋ باستى مىن­دەت. ونىڭ ىشىندە الاكولگە اپا­را­تىن جولداردى جوندەۋ دە باسىم­دىق­تاردىڭ ءبىرى بولىپ وتىر. جال­پى, الاكول جاعالاۋىن دامىتۋدىڭ باس جوسپارىنا سايكەس سۋمەن, ەلەكتر­مەن قامتۋ, كارىز جۇيەسىن جۇرگى­زۋ قول­عا الىنعان. بيىل جاعالاۋدا 3 ءىرى ين­ۆەس­تيتسيالىق جوبا جۇزەگە اسىرى­لىپ, ءىرى دەمالىس ورىندارى ىسكە قو­سىل­عان. ولاردا جالپى سانى جۇزگە جۋىق جاڭا جۇمىس ورنى اشىلىپ, جوبا­لارعا 3 ملرد تەڭگەگە جۋىق ينۆەس­تيتسيا تار­تى­لىپتى. بۇگىندە جا­عا­لاۋ­دى قور­شاۋ جۇ­مىستارى باس­تالعان. اقشي مەن كوك­تۇما اۋىلدارىندا جالپى ۇزىن­دىعى 13,4 شاقى­رىم جاعالاۋ قور­شالۋعا ءتيىس. ازىرگە قورشالعان جەردىڭ اۋماعى 770 مەتر شاماسىندا ەكەن.

سول سياقتى جاعالاۋداعى 210 تۋ­ريس­­تىك نىساننىڭ ورتالىق كارىز جۇ­يە­سىنە قوسىلۋىنا مۇمكىندىك تۋ­دى. جۇيەنىڭ ۇشەۋى ورناتىلعان. ەن­دى بە­سەۋى جاقىندا ىسكە قوسىلماق. جوس­پار بويىنشا قاراشادا قۇرى­لىس جۇ­مىستارى تولىق اياقتالادى. قازىر قى­سىمىن تەكسەرۋ, ىسكە قوسۋ جۇمىستا­­رى ءجۇرىپ جاتىر. دەگەنمەن جوبانىڭ ء­ىى كەزەگىن ىسكە قوسۋ ءسال كەشەۋىلدەۋدە. ماسەلەن, تاۋلىگىنە 6,5 مىڭ تەكشە مەتر­لىك كارىز تازارتۋ قۇرىل­عىسىن سالۋ دەمالىس نىساندارىنان شىققان پاي­دالانىلعان سۋ اعىنىن تازارتۋ ماسە­لەسىن شەشۋگە ءتيىس.

بۇگىندە اقشي اۋىلىن سۋمەن قام­تۋ ماسەلەسى شەشىلگەن. وتكەن جىلى جەلتوقساندا جاعالاۋداعى سۋ جۇيەسى ىسكە قوسىلعان. قازىر توقجايلاۋ, قوڭىر, بيباقان, كەڭەس اۋىلدارىنا سۋ تارتۋدىڭ قاجەتتى قۇجاتتارى ازىرلەنۋدە. تەرەكتى, لەپسى, كوكتۇما, بۇلاقتى اۋىلدارىنداعى سۋ جۇيەسى قايتا جاڭعىرتىلادى. مۇنان بولەك اقشي اۋىلىنا ەلەكتر جەلىسىن تار­تۋعا جەرگىلىكتى بيۋدجەتتەن 300 ملن تەڭگە بولىنگەن. جالپى ۇزىندىعى 67,4 شاقىرىم جەلى جۇرگىزىلىپ, قايتا جاڭعىرتىلادى. ماماندار مۇندا­عى ەلەكتر تۇتىنۋ قاجەتتىلىگى 10 مۆت بولسا, بۇل شارا ونى ءالى دە تولىق كولەمدە جابۋعا جەتكىلىكسىز ەكەنىن ايتادى. سوندىقتان تاعى 1 جوباعا قۇجات ازىرلەۋگە قارجى ءبولىنىپ وتىر. ياعني بەسكولدەن اقشيگە دەيىن جانە اقشي – كوكتۇما – اقتوعاي باعى­تىندا ەكىنشى لينيانى تارتۋ كەرەك. وسى جەلىلەردىڭ ارقايسىسى ءۇشىن قولدانىستاعى قوسالقى ستانسالار­دى قايتا جاڭعىرتۋ قاجەت. ال قىس­تا جيناقتالاتىن ارتىق ەلەكتر قۋا­تىنىڭ تاپشىلىعى بار دوستىق بەكە­تىنە باعىتتاۋ مەجەلەنىپ وتىر.

سونداي-اق ءۇشارال اۋەجايىن­دا ۇشىپ-قونۋ جولاعى كەڭەيتىلىپ, قاي­تا جاڭعىرتىلۋدا. جۇمىستار اياق­تالعاندا ۇشارالعا ۇلكەن ۇشاقتار دا ەش كەدەرگىسىز قاتىناماق. «جەتىسۋ» اۋە كومپانياسىنىڭ پرەزيدەنتى قال­تاي دوڭسەباەۆتىڭ ايتۋىنشا, ۇشاق قوناتىن جول تولىقتاي جاڭارتىلىپ بولىپ قالدى. قۇرىلىس كومپانياسى جۇمىستارىن الداعى شىلدە ايىنىڭ ورتاسىندا تولىقتاي بىتىرەدى دەپ جوس­پارلانىپ وتىر. سوندا كۇنىنە 8 رەيس قاتىناپ, 500-دەي جولاۋشى قابىلداناتىن بولادى.

ايتپاقشى, تالدىقورعان – وسكە­مەن اۆتوجولىنىڭ جاي-كۇيى, قۇرىلىس جۇمىستارىنىڭ قازىرگى احۋالى وبلىس اكىمدىگىنىڭ باستى نازارىندا ەكەن. جاقىندا الاكول اۋدانىنا ارنايى ساپارمەن بارعان جەتىسۋ وبلىسىنىڭ اكىمى بەيبىت يساباەۆ «قازاۆتوجول» مەكەمەسىنىڭ وكىلىنە قۇرىلىسقا ءتيىستى تەحنيكالاردىڭ كوپتەپ تارتىلۋىن, جۇمىس قارقىنىن باسەڭدەتپەۋدى تاپسىردى. جالپى, جول, ءبىرىنشى قاباتتى اسفالت توسەمى بيىل توسەلىپ بىتۋگە ءتيىس, باستى كوپىرلەردىڭ قۇرىلىسى دا اياقتالۋعا جاقىن ەكەن. ەندى جولمەن كولىك قوزعالىسىن جۇرگىزۋگە بولادى. ال ءاسفالتتىڭ نەگىزگى قاباتى كەلەسى جىلى توسەلەدى. ياعني تالدىقور­عان – ءۇشارال باعىتىنداعى جولدىڭ يگىلىگىن كورەتىن ۋاقىت الىس ەمەس.

وسى ساپارىندا الاكول جاعاسىن­دا قاجەتتى ينفراقۇرىلىمداردى جۇر­­گىزىپ جاتقان مەردىگەر كومپا­نيا­لاردىڭ وكىلدەرىمەن سويلەسكەن بەيبىت يساباەۆ بيۋدجەت قارجىسىن وڭدى-سولدى جۇمساۋعا جول بەرىلمەي­تىنىن قاداپ ايتتى. قۇرىلىس ماتەريال­دارىنىڭ قىمباتتاۋىنا بايلانىس­تى جوبانىڭ العاشقى نۇسقاسىنا تۇزەتۋلەر ەنگىزۋ كەرەكتىگىن العا تارت­قان «كولساي ستروي» جشس مەردىگەر كومپانياسىنا ۇسىنىستار ءتيىستى قۇ­جاتتارمەن دالەلدەنىپ, نەگىزدەلۋى كەرەكتىگىن ەسكەرتتى.

– وسىنداي ءىرى جوبالاردىڭ كونكۋرسىنا قاتىسار الدىندا كەز كەلگەن كومپانيا ءوز مۇمكىندىكتەرىن شى­­نايى باعامداۋى كەرەك. جۇمىس كولەمى, كادرلار سانى مەن بىلىكتىلىگى, تەحنيكانىڭ مۇمكىندىكتەرى – ءبا­رىن دە سالماقتاۋ كەرەك. بارلىق تاۋەكەل­دەردى, سونىڭ ىشىندە باعا ءوسىمىن دە زەر­دەلەۋگە ءتيىس. سونىڭ ءبارىن كون­كۋرسقا دەيىن ءتۇسىنىپ, شەشىپ الۋ كەرەك ەدى. جوبادا جوسپارلانعان 10 ملرد تەڭگەنىڭ العاشقى ترانشىن كەلىسىمشارت بويىنشا الدىڭىزدار. بۇل بيۋدجەتتىڭ قارجىسى, حالىقتىڭ اقشاسى. جۇمىستىڭ 8 ايداي تۇرىپ قالعانىن, ءتيىستى جۇمىس كولەمى ورىن­دالماعانىن حالىققا قالاي تۇسىن­دىرەمىز؟ جوباعا تۇزەتۋ ەنگىزۋ تۋرالى وتىنىشتەرىڭىز نەگىزدى مە, جوق پا, الدىمەن قارايمىز. ناقتىلانسا, قول­داۋ كورسەتۋگە ءازىرمىز. باسقاشا بول­عان جاعدايدا قاتاڭ شارالار قابىل­دايتىن بولامىز, – دەدى بەيبىت يساباەۆ.

جەتىسۋ وبلىسى