جەڭىلدەتىلگەن اۆتونەسيەلەردى قارجىلاندىرۋ باعدارلاماسى بويىنشا ءوتىنىمدى «ەۋرازيالىق بانك» اق جانە «قازاقستان حالىق بانكى» اق بانكتەرى قابىلدايدى, دەپ حابارلايدى Egemen.kz.
«ونەركاسىپتى دامىتۋ قورى» اق-نىڭ ءباسپاسوز قىزمەتى حابارلاعانداي, اتالعان ەكى بانك بولىنگەن ليميتتەردى تولىعىمەن يگەرمەگەن. بۇگىنگى تاڭدا ولارعا كەزەكتى ترانشتار ءبولىندى:
«ەۋرازيالىق بانك» اق – 10 ملرد تەڭگە;
«قازاقستان حالىق بانكى» اق – 7,5 ملرد.
وسىلايشا, باعدارلاما اياسىندا قاتىسۋشى بانكتەرگە 90 ملرد تەڭگە اۋدارىلدى. ونىڭ ىشىندە:
«ەۋرازيالىق بانك» اق – 25 ملرد تەڭگە;
«بانك تسەنتر كرەديت» اق – 27,5 ملرد تەڭگە;
«قازاقستان حالىق بانكى» اق – 22,5 ملرد تەڭگە;
«Forte Bank» اق – 15 ملرد تەڭگە اۋدارىلدى.
بولىنگەن ترانش يگەرىلگەننەن كەيىن 10 ملرد تەڭگە كولەمىندەگى قالعان ليميت «ەۋرازيالىق بانك» اق-عا بولىنەدى.
بۇگىنگى تاڭدا قاتىسۋشى بانكتەر جالپى سوماسى 82 ملرد تەڭگەگە 10 888 ءوتىنىمدى ماقۇلداپ, 4 847 اۆتوكولىكتى شىعارعان.
«جالپى سوماسى 90 ملرد تەڭگەنىڭ بولىنبەگەن ءليميتى 8 ملرد تەڭگەنى قۇرايدى. بۇل سوما شەگىندە اۆتونەسيە الۋعا وتىنىشتەردى تەك «ەۋرازيالىق بانك» اق مەن «قازاقستان حالىق بانكى» اق قابىلدايدى. باعدارلاماعا قاتىسۋشى قالعان بانكتەر بولىنگەن ليميتتەردى تولىعىمەن يگەردى», دەلىنگەن قور حابارلاماسىندا.
جاڭا اۆتونەسيەلەردى ودان ءارى بەرۋدى قاتىسۋشى بانكتەر باستاپقى قارىز الۋشىلاردىڭ وتەلگەن كرەديتتىك تولەمدەرى ەسەبىنەن رەۆولۆەرلىك نەسيەلەۋ مەحانيزمى شەڭبەرىندە جۇزەگە اسىرادى.