جەڭىمپاز پەنالتيدەن انىقتالدى

ەكى كۇنگە سوزىلعان تۋرنيردە جانكۇيەرلەر تالاي تارتىس­تى ويىننىڭ كۋاسى بولدى. دودا باستالعاننان-اق شيراق ويىن كورسەتكەن «حابار» اگەنتتىگى, «ەكسپرەسس-ك» تىلشىلەرى, جەتى­سۋ جۋرناليستەرىنەن جاساق­تالعان «قارەكەت» پەن جەر­گىلىكتى «اقمەشىت» كومانداسى ويىنشىلارى باسەكە تۇيىن­دەلەر تۇستا كەزدەستى. ءۇشىنشى ورىن ءۇشىن وتكەن ويىندا قى­زىل­وردالىق «اق­مەشىت» «قا­رە­كەتتەن» 5:3 ەسەبىمەن باسىم ءتۇستى. فينالدا كەزدەسكەن «ەكسپرەسس-ك» مەن «حابار» فۋت­بول­شىلارى نەگىزگى ويىندى تەڭ اياقتاپ, پەنالتي تەبۋدەن العاشقى ۇجىم جىگىتتەرى باسىم ءتۇستى.

قالا اكىمى اسىلبەك شا­مەنوۆ تۋرنير جەڭىمپازى – «ەكسپرەسس-ك» كومانداسىنا ارنايى كۋبوك پەن 1 000 000 تەڭگە تابىس ەتتى.

ەكىنشى ورىن العان «حابار» كومانداسى – 700 مىڭ, قولا جۇل­دەگەر – «اقمەشىت» 400 مىڭ, ءتورتىنشى ورىن يەمدەنگەن «قا­رەكەت» كومانداسى 200 مىڭ تەڭگە يەلەندى.

الماتىلىق كوماندا قۇرا­مىنداعى شوقان ماحان «ۇز­دىك ويىنشى», «قارەكەت» كومان­دا­سىنىڭ ويىنشىسى ەسبولات اي­دابولسىن «ۇزدىك شابۋىلشى» اتاندى. «تاراز پرەسس» كومان­داسىنىڭ نامىسىن قورعا­عان اي­بەك قابىلشا «ۇزدىك قاق­پا­شى», شىمكەنتتىك اراي ەسەن­بەك «ۇزدىك قورعاۋشى» اتالىمى بويىن­شا ماراپاتتالدى.

قىزىلوردا