قر ءىىم جوعارى ءبىلىم بەرۋ باعدارلامالارىن ىسكە اسىراتىن قر ىشكى ىستەر مينيسترلىگىنىڭ اسكەري, ارناۋلى وقۋ ورىندارىنا وقۋعا قابىلداۋ قاعيدالارىنا وزگەرىستەر مەن تولىقتىرۋلار دايىندادى, دەپ حابارلايدى Egemen.kz.
اتاپ ايتقاندا, «قۇقىق قورعاۋ قىزمەتى تۋرالى» زاڭعا سايكەس 35 جاستان اسقان ازاماتتاردى وقۋعا قابىلداۋعا شەكتەۋ ەنگىزىلەدى.
ءىىم ارناۋلى وقۋ ورىندارىنا قىسقارتىلعان وقۋ مەرزىمى بار ءبىلىم بەرۋ باعدارلامالارى بويىنشا كۇندىزگى وقۋعا دايارلاۋدىڭ زاڭدى باعىتتارى بويىنشا جوعارى ءبىلىمى بار ادامداردى قوسپاعاندا, جوعارى ءبىلىمى بار قر ازاماتتارى قابىلدانادى.
ءىىم ارناۋلى وقۋ ورىندارىنا قىسقارتىلعان مەرزىمدى ءبىلىم بەرۋ باعدارلامالارى بويىنشا قاشىقتان وقىتۋعا دايارلاۋدىڭ زاڭدى باعىتتارى بويىنشا جوعارى ءبىلىمى بار ادامداردى قوسپاعاندا, تەحنيكالىق جانە كاسىپتىك, ورتا بىلىمنەن كەيىنگى نەمەسە جوعارى ءبىلىمى بار ىشكى ىستەر ورگاندارىنىڭ قىزمەتكەرلەرى مەن اسكەري قىزمەتشىلەرى قابىلدانادى.
كونكۋرستىق ىرىكتەۋ كەزەڭدەرىن جۇيەلەۋ ءۇشىن تولىقتىرۋ ەنگىزىلەدى, وعان سايكەس ارناۋلى وقۋ ورىندارىنا وقۋعا كانديداتتاردى قابىلداۋ كونكۋرستىق نەگىزدە ءتورت كەزەڭدە جۇرگىزىلەدى:
1 - كەزەڭ: ءادس قاعيدالارىنا سايكەس وقۋعا كانديداتتاردى تۇپكىلىكتى مەديتسينالىق كۋالاندىرۋ;
2 - كەزەڭ: كانديداتتاردى دەنە شىنىقتىرۋ كورسەتكىشتەرى بويىنشا ىرىكتەۋ;
3 - كەزەڭ: كانديداتتاردى كاسىبي ىرىكتەۋ;
4-كەزەڭ: كونكۋرستىق ىرىكتەۋ جانە ارنايى وقۋ ورنىنا قابىلداۋ.
ىرىكتەۋدىڭ جاڭا كەزەڭدەرىنىڭ ەنگىزىلۋىنە بايلانىستى قابىلداۋ كوميسسياسىنىڭ جۇمىس تارتىبىنە ناقتىلاۋشى تۇزەتۋ ەنگىزىلەدى.
سونىمەن قاتار, باكالاۆريات باعدارلاماسى بويىنشا وقۋعا ۇمىتكەرلەردى ساپالى ىرىكتەۋ ءۇشىن ىرىكتەۋدىڭ قوسىمشا كەزەڭدەرىن قامتيتىن جاڭا فورمات ەنگىزىلەدى: ەسسە جازۋ, اڭگىمەلەسۋدەن ءوتۋ, IQ-تەست, سونداي-اق جەكە تۇلعانىڭ پسيحولوگيالىق ءتيپىن انىقتاۋعا تەستىلەۋ.
ءىىم-دە ايتىلعانداي, بۇل كانديداتتىڭ وي-پىكىرىن لوگيكالىق جانە دالەلدى تۇردە بايانداۋ داعدىلارىن, زياتكەرلىك قابىلەتتەرىن, ۋاجدەمەسىن, كوشباسشىلىق الەۋەتىن, ويلاۋ مادەنيەتى مەن كوممۋنيكاتيۆتىك داعدىلارىن مەڭگەرۋ دەڭگەيىن انىقتاۋعا مۇمكىندىك بەرەدى.
ىرىكتەۋدىڭ جاڭا كەزەڭدەرىنىڭ ەنگىزىلۋىنە بايلانىستى ەسسە جازۋ مەن اڭگىمەلەسۋدەن ءوتۋ ناتيجەلەرىن قابىلداۋ كوميسسياسى توراعاسىنىڭ بۇيرىعىمەن قۇرىلاتىن ارنايى كوميسسيالار باعالايتىن بولادى.
كانديداتتاردى وقۋعا قابىلداۋ تۋرالى شەشىمدى تۇپكىلىكتى مەديتسينالىق تەكسەرۋ ناتيجەلەرى, دەنە شىنىقتىرۋ دايارلىعى بويىنشا نورماتيۆتەردى تاپسىرۋ جانە قورىتىندىلاۋ ارقىلى الىنعان جالپى بالل نەگىزىندە قابىلداۋ ۇسىنىلادى: ۇبت بالدارى, ەسسە, اڭگىمەلەسۋ ناتيجەلەرى.
قۇجات «اشىق نقا» سايتىندا 4 شىلدەگە دەيىن ورنالاستىرىلعان.