رەسەي قازاقتارىنىڭ فەدەرالدىق ۇلتتىق-مادەني اۆتونومياسىنىڭ جاڭا باسشىسى بولىپ ەسەنعالي يبراەۆ سايلاندى, دەپ حابارلايدى Egemen.kz.
ول تۇمەندەگى كەزەكتەن تىس سەزدە بەس جىل مەرزىمگە سايلاندى.
ەسەنعالي يبراەۆ رەسەي مەن قازاقستان اراسىنداعى سەرىكتەستىك, دوستىق قاتىناستاردى دامىتۋعا ەرەكشە نازار اۋداراتىنىن ايتتى.
ء«بىز ءتۇرلى وڭىرلەردەگى قازاق ۇيىمدارىمەن تىعىز قارىم-قاتىناس ورناتىپ, رەسەيدىڭ ۇلتتىق ساياساتىنىڭ مىندەتتەرىن شەشۋدە مەملەكەتتىڭ سەنىمدى سەرىكتەسى بولۋعا ۇمتىلامىز. سونداي-اق قازاق مادەنيەتىن ساقتاۋعا, رەسەي مەن قازاقستان ارىپتەستىگىنىڭ دامۋىنا جاردەمدەسۋگە, ەكى ەل بىرلىگىن نىعايتۋعا بارىمىزدى سالامىز», دەدى ە.يبراەۆ.
سونىمەن قاتار رەسەي پرەزيدەنتى اكىمشىلىگىنىڭ ىشكى ساياسات جونىندەگى ۇلتتىق ساياسات ءبولىمىنىڭ مەڭگەرۋشىسى تاتيانا ۆاگينا تۇمەن وبلىسىندا ەتنومادەني سەكتوردى دامىتۋ بويىنشا جاڭا جوبالار جۇزەگە اسىراتىندىعىنا سەنىم ءبىلدىردى.