Air Astana ۇشاعى فيۋزەلياجداعى اقاۋعا بايلانىستى الماتىدان انتالياعا ۋاقىتىندا ۇشا المادى, دەپ حابارلايدى Egemen.kz اۋە كومپانياسىنىڭ ءباسپاسوز قىزمەتىنە سىلتەمە جاساپ.
رەيس تاڭعى 09.40-تا اتتانۋعا ءتيىس ەدى. وعان 209 جولاۋشى تىركەلگەن.
«Air Astana اۋە كومپانياسىنىڭ الماتى – انتاليا باعىتىنداعى كس 915 رەيسى ۇشاقتىڭ كەش قونۋىنا بايلانىستى كەشىگىپ جاتىر. ۇشاق فيۋزەلياجىنا بۇعان دەيىنگى رەيستەردى ورىنداۋ كەزىندە زاقىم كەلگەن. زاقىمدى باعالاۋ جانە جويۋ جۇمىستارى جۇرگىزىلدى», دەلىنگەن حابارلامادا.
وسىدان كەيىن ۇشاقتىڭ ۇشۋ ۋاقىتى 17:15-كە بەلگىلەندى.
اۋە كومپانياسى جولاۋشىلاردان قولايسىزدىق ءۇشىن كەشىرىم سۇرادى.