جۇرەك ورتالىعىنداعى اۋتوترانسفۋزيا شەبەرلىك ساباعى

اۋتوترانسفۋزيا (ATS) – پاتسيەنتكە حيرۋرگيالىق ارالاسۋ كە­زىندە جينالعان جانە سۇزىلگەن ءوز قانىن قۇيۋ ءادىسى. بۇل جۇيە دو­نور­­لىق قانعا قاجەتتىلىگىن ازايتادى, پاتسيەنتتى قالپىنا كەلتىرۋ ۋا­قىتىن جانە مەديتسينالىق قىز­مەت­تەرگە ارنالعان شىعىن­دار­دى قىسقارتادى.

شەبەرلىك ساباعىنىڭ ەكى كۇنى ىشىندە جۇرەك ورتا­لىعىنىڭ قىزمەتكەرلەرى LivaNova كوم­پا­نياسىنىڭ اۋتو­تران­سفۋ­زيا­لىق جۇيەسىمەن تانىستى. وقۋ باع­دار­­لاماسىنا استانالىق جانە الماتى, شىمكەنت, تاراز, قارا­عان­دى قالالارىنىڭ مەدي­تسي­­نا­لىق ورتالىقتارىنىڭ پەر­فۋ­زيو­­لوگ دارىگەرلەرى, كارديو­حيرۋرگ­­تەر مەن انەستەزيولوگتەر قاتىستى.

«جاساندى قان اينالىم اپپا­را­­تىنىڭ كومەگىمەن اشىق جۇرەككە وپەراتسيا جاساۋ كەزىندە قاندى ءجيى قۇيۋ قاجەت. اۋتوترانسفۋزيا ءادىسى وپەراتسيادان كەيىنگى ينفەك­تسيا­ل­اردىڭ, سونىڭ ىشىندە بۇيرەك جەت­كىلىكسىزدىگى دامۋىنىڭ قاۋ­­­پىن ازايتادى. بۇل جۇيە كوپ­تە­­گەن ارتىقشىلىقتى كورسەتەدى. سوندىقتان ونى ودان ءارى ەنگىزۋ قان ونىمدەرىن پايدالانۋدىڭ ءداستۇرلى ادىستەرىنە ايتارلىقتاي اسەر ەتۋى مۇمكىن», دەدى. جۇرەك ورتالىعىنىڭ قوسىمشا قان اينالىمى زەرتحاناسى مەن وپە­را­تسيا­لىق بولىمشەنىڭ مەڭ­گە­رۋ­شىسى رىمباي قاليەۆ.

قاتىسۋشىلار باعدارلامانىڭ تەوريالىق بولىمىمەن, عىلىمي ما­قالالارىمەن جانە كارديو­حي­رۋر­گيا سالاسىنداعى اۋتوتران­س­فۋ­زيانىڭ ارتىقشىلىقتارىمەن تانىستى. پراكتيكالىق بولىمىندە اپپاراتتىڭ جۇمىس ىستەۋ ءپرين­تسي­پى تانىستىرىلدى, ونىڭ بارى­سىندا قاتىسۋشىلار وزدەرىن قى­زىق­تىرعان سۇراقتارىن قويدى.

«ەكى كۇن ىشىندە ءبىز جۇرەك-وكپە حيرۋرگياسى سالاسىنداعى سوڭعى بىلىممەن بولىسۋگە مۇمكىندىك ال­دىق جانە كارديوحيرۋرگتەرمەن وسى سالادا نە جاقسارتۋعا بولاتىنى تۋرالى بەلسەندى پىكىرتالاس وتكىز­دىك. ءبىز قازاقستاننىڭ تۇكپىر-تۇك­پىرىنەن كەلگەن كوپتەگەن پەر­فۋز­يو­لوگپەن كەزدەسىپ, پايدالى تاجىريبە الدىق. جۇرەك ورتالىعىنا شەبەرلىك سابا­عىن ۇيىمداستىرعانى جانە قوناق­جاي­لىلىعى ءۇشىن العىس ايتامىن», دەپ ءبو­لىستى LivaNova كومپانياسىنىڭ وكىلى, كلينيكالىق پەرفۋزيولوگ Youssef El Dsouki.