جەكسەنبىدە فرانتسياداعى پارلامەنت سايلاۋىنىڭ ءبىرىنشى تۋرى ءوتىپ, سولشىل كۇشتەردىڭ «جاڭا حالىقتىق ەكولوگيالىق جانە الەۋمەتتىك وداق» كواليتسياسى ەڭ كوپ داۋىس جينادى, دەپ حابارلايدى Egemen.kz ەuronews اگەنتتىگىنە سىلتەمە جاساپ.
الدىن الا اقپارات بويىنشا سولشىل پارتيانىڭ جەتەكشىسى جان-ليۋك مەلانشوننىڭ باستاماسىمەن قۇرىلعان NUPەS كواليتسياسىنىڭ كانديداتتارى 26,2% داۋىس جيناعان.
ال «رەنەسسانس» پرەزيدەنتتىك قوزعالىسى جەتەكشىلىك ەتەتىن «بىرگە!» بيلەۋشى كواليتسياسىنىڭ كانديداتتارى 25,8% داۋىس جينادى. سوعان قاراماستان فرانتسيا ەلىندەگى ماجوريتارلىق سايلاۋ جۇيەسىنىڭ ەرەكشەلىگىنە بايلانىستى باسقارۋشى كواليتسيا پارلامەنتتەگى ورىننىڭ باسىم بولىگىن ساقتاپ قالادى.