ءجونسىز جۇمساۋ تىيىلماي تۇر

«تەك شامالى ۇلەسى عانا ناق­تى ءوندىرىس قۇرۋعا مۇمكىندىك بە­رە­دى. ودان دا ەكىنشى دەڭگەيلى بانك­تەردىڭ مولشەرلەمەسىن, سو­نىڭ ىشىندە ۇزاق مەرزىمدى نەسيە­لەر بويىنشا دا مولشەرلەمەنى سۋبسيديالاۋ دۇرىس ەمەس پە؟ جە­ڭىلدەتىلگەن نەسيەلەۋدىڭ ور­نىنا ستاۆكانى سۋبسيديالاۋ­دى ەنگىزسەك, مەملەكەتتىك قو­ل­­­داۋ اۋقىمى 5 ەسە ارتادى. ۇسى­­­­­­نىلىپ وتىرعان ءتاسىل ەكو­نو­­­­ميكانىڭ شيكىزاتتىق ەمەس سەك­تورىن دامىتۋعا, وتاندىق تاۋارلار ءوندىرىسىنىڭ ءوسىمىن كو­بەي­تۋگە جاعداي جاسايدى», دەدى ن.گودۋنوۆا.

كوميتەت باسشىسىنىڭ ما­لىم­­دەۋىنشە, قازىر ءبىراز ۇلت­تىق جوبالاردىڭ مەملە­كەت­تىك باعدارلامالاردى الماس­تىرعانىن, الايدا ودان ەشتەڭە­نىڭ دە وزگەرە قويماعانىن ايتادى.

«جوبالىق باسقارۋدىڭ نە­گىز­گى پرينتسيپتەرى ساقتال­ماي­دى. قار­جى­لاندىرۋ قاجەت­تى­لىكتىڭ تەك 57 پايىزىن قۇراپ وتىر. قاجەتتى دەڭگەيدەگى قار­جىلاندىرۋ جوق, دەمەك ناتي­جە سۇراۋعا دا مو­رال­دىق قۇقىق بولماۋى كەرەك. ءىس-شارالار تو­لىق پىسىق­تال­ماعان, تيىسىنشە ورتالىق پەن وڭىرلەر اراسىندا ۇيلەسىم جوق. ورتالىق مەم­لە­كەتتىك ور­گان­داردىڭ شە­شىم قابىلداۋى مەن ونىڭ ادام­دارعا سەزىلۋى اراسىنداعى ۋا­قىت تىم ۇزاق. بيۋدجەتتىڭ ميل­­لياردتاعان قارا­جاتى جەلگە ۇشىپ جاتىر. قازىر ەكو­نو­مي­كانىڭ بىرتىندەپ جاق­سا­رۋ­ى ەندى عانا شاعىن جانە ورتا بيزنەسكە جاعىمدى اسەر ەتۋدە. ال كوپتەگەن قازاقستاندىقتىڭ ءومىر ءسۇرۋ دەڭگەيى ازىرگە كوتە­رى­لە­تىن ەمەس. ءسىرا, ينفلياتسيا سالدارىنان. ازاماتتاردىڭ ەڭبەك قىز­مە­تىنەن الاتىن تابىس ۇلەسى تو­مەندەپ, الەۋمەتتىك ترانس­فەرت­­تەرگە دەگەن تاۋەلدىلىگى ارتىپ بارادى. قازىر حالىقتىڭ كوپشىلىگى مەملەكەتتىڭ كومەگىنە مۇقتاج. تاماقتانۋ ونىمدەرى تۇتى­نۋشىلىق شىعىندار قۇرى­لى­مىنىڭ جارتىسىنان استامىن قۇراپ وتىر», دەيدى ن.گودۋنوۆا.

ول – تۇتىنۋشىلىق شىعىن­دار­دى وتەۋ ءۇشىن, بىلاي ايتقاندا ءىشىپ-جەۋ ءۇشىن حالىق نەسيەگە باتا باستاعانىن ايتادى. جەكە تۇلعالاردىڭ يپوتەكالارىنىڭ ءوسىمى – 38, تۇتىنۋشىلىق ماق­سات­­تا­عى نەسيەلەرى 40 پايىز­عا جە­تىپ وتىر. بۇل بۇكىل ەكونو­مي­كاعا بەرىلگەن كرەديتتىڭ ۇش­تەن ءبىرى ەكەن.

تەلەگرامداعى Risk Takers كانالىنىڭ ساراپشىسى ن.گودۋ­نو­ۆانىڭ بۇل ۇسىنىسىنا قولداۋ تانىتقان.

ء«تيىمسىز باسقارۋ فاكتىلەرى بىرنەشە رەت جاريا بولدى. ءبىزدىڭ «قازاگرو» جانە «اگرارلىق نەسيە كورپوراتسياسى» تۋرالى الدىڭعى پوستتارىمىز سوعان دالەل. قارجى نارىعىن رەتتەۋ جانە دامىتۋ اگەنتتىگى اگروسەكتور ءۇشىن ارنايى مەملەكەتتىك بانك قۇرۋعا قاتىستى دا پىكىر بىلدىرگەن. ولاردىڭ پىكىرىنە سۇيەنسەك, قارجى نارىعىندا ونسىز دا كوممەرتسيالىق بانك­تەر دە, ەكونوميكا سەكتورلارىن نەسيەلەۋ ءۇشىن ءتۇرلى دامۋ ينس­­تيتۋتتارى دا بار. ءبىز دە جە­ڭىل­دەتىلگەن باعدارلامالار مەن جاڭا مەملەكەتتىك بانكتەردى كو­بەي­تە بەرۋگە قاجەتتىلىك جوق دەپ سانايمىز», دەپ جازادى كانال.