سقو جولدارىندا جىل باسىنان 400-دەن استام ماس جۇرگىزۋشى ۇستالدى, دەپ حابارلايدى Egemen.kz Polisia.kz-كە سىلتەمە جاساپ.
سولتۇستىك قازاقستان وبلىسىنىڭ جولدارىندا جىل باسىنان 456 ماس جۇرگىزۋشى ۇستالدى. سقو پد جەرگىلىكتى پوليتسيا قىزمەتى باسقارماسىنىڭ قىزمەتكەرلەرى وسىنداي فاكتىلەردى انىقتاۋ جانە جولىن كەسۋ ءۇشىن ماقساتتى جۇمىستار جۇرگىزۋدە.
ماۋسىمنىڭ 9 كۇنى كەشكە پەتروپاۆل قالاسى پب پاترۋلدىك پوليتسيا باتالونىنىڭ قىزمەتكەرلەرى نابەرەجنايا-حيمەنكو كوشەلەرىنىڭ قيىلىسىندا Toyota كولىگىن توقتاتقان. جۇرگىزۋشى الكوگولدىك ماساڭ كۇيدە بولعان. پوليتسەيلەر قر اكىمشىلىك قۇقىق بۇزۋشىلىق تۋرالى كودەكسىنىڭ 608-بابى بويىنشا ماتەريال جينادى. سوت 43 جاستاعى قالا تۇرعىنىن جەتى جىلعا كولىك جۇرگىزۋ قۇقىعىنان ايىردى, سونىمەن قاتار ول 15 تاۋلىككە اكىمشىلىك قاماققا الىندى.
وبلىستا جىل باسىنان ماس جۇرگىزۋشىلەرمەن جاسالعان 8 جول-كولىك وقيعاسى تىركەلدى. بارلىعى 96 جول اپاتى ورىن الىپ, ونىڭ سالدارىنان 15 ادام قازا تاپقان, 142 ادام جاراقات الدى.
«وبلىس تۇرعىندارى مەن قوناقتارىن جولدا اباي بولۋعا شاقىرامىز. جول قوزعالىسى ەرەجەلەرىن ساقتاپ, جىلدامدىقتى اسىرماۋعا كەڭەس بەرەمىز. «ماس جۇرگىزۋشى – قىلمىسكەر!» ەكەنىن ەستەرىڭىزدەن شىعارماڭىز», دەدى سقو پد جەرگىلىكتى پوليتسيا قىزمەتى باسقارماسىنىڭ باستىعى ايدىن بايماتوۆ.