«كولساي كولدەرى» ۇلتتىق ساياباعىندا ءىلبىس فوتوتۇزاققا ءتۇستى. بۇل تۋرالى ەكولوگيا, گەولوگيا جانە تابيعي رەسۋرستار مينيسترلىگىنiڭ ورمان شارۋاشىلىعى جانە جانۋارلار دۇنيەسى كوميتەتى Instagram-داعى پاراقشاسىندا جاريالادى.
«قار بارىسىنىڭ ۇرعاشىسى جانە ونىڭ ءبىر جاسار الانى «كولساي كولدەرى» ۇلتتىق تابيعي پاركىنىڭ بەينەتۇزاعىنا ءىلىندى. «قىزىل كىتاپقا» ەنگەن جانۋار بۇعان دەيىن دە فوتوتۇزاققا بىرنەشە رەت تۇسكەن بولاتىن», دەلىنگەن ورمان شارۋاشىلىعى جانە جانۋارلار دۇنيەسى كوميتەتىنىڭ حابارلاماسىندا.
ناۋرىز ايىندا شىمبۇلاق تاۋ-شاڭعى كۋرورتىندا قار بارىسى تاۋ ەتەگىنە تۇسكەن بولاتىن. بۇعان دەيىن تاۋدان تۇسكەن ءىلبىستى كەربۇلاق تۇرعىندارى تابيعي ورتاسىنا قايتارۋعا سەبەپشى بولعان ەدى. ءىلبىس (قار بارىسى) ۇكىمەتتىڭ 2006 جىلعى 31 قازانداعى №1034 قاۋلىسى بويىنشا سيرەك كەزدەسەتىن جانە قۇرىپ كەتۋ قاۋپى ءتونىپ تۇرعان جانۋارلاردىڭ تىزىمىنە ەنگىزىلگەن.