الماتىدا سەروزدى مەنينگيتتى جۇقتىرعاندار سانى ءوستى

الماتى قالالىق سانيتاريالىق-ەپيدەميولوگيالىق باقىلاۋ دەپارتامەنتىنىڭ مالىمەتىنشە, جىل باسىنان بەرى الماتىدا سەروزدى مەنينگيتتىڭ 157 جاعدايى تىركەلگەن. بۇل وتكەن جىلدىڭ سايكەس كەزەڭىمەن سالىستىرعاندا 19,1%-عا ارتىق.

«157 جاعدايدىڭ 49-ى زەرتحانالىق تۇردە راستالدى (2021 جىلى – 2 جاعداي): وقۋشىلار اراسىندا – 36,7%, ۇيىمداستىرىلماعان بالالار اراسىندا – 16,3%, مەكتەپكە دەيىنگى بالالار ۇيىمىنا باراتىن بالالار اراسىندا – 42,9%, پەداگوگتار – 2,0% جانە وزگە كونتينگەنتتەر اراسىندا 2,0% قۇرادى», دەلىنەدى حابارلامادا.

ۆەدومستۆو سەروزدى مەنينگيت ەنتەروۆيرۋس (ىشەك ۆيرۋسى) تەكتەس ۆيرۋستاردان تۋىنداعان اۋرۋلاردىڭ اراسىندا ءجيى كەزدەسەتىنىن حابارلادى.

ايانا توعانبەك