الماتىلىق كاسىپكەر ارايلىم قىرعىزبەكوۆا Almaty Business-2025 وڭىرلىك باعدارلاماسىن پايدالانىپ, Britannica بالاباقشاسىن دامىتۋعا جىلدىق 6% مولشەرلەمەمەن 9 ملن تەڭگە كولەمىندە جەڭىلدەتىلگەن نەسيە الدى.
بالاباقشادا بريتاندىق ءبىلىم بەرۋ جۇيەسى ەنگىزىلگەن, ول وسكەلەڭ ۇرپاقتى تاربيەلەۋدىڭ كوپجىلدىق داستۇرلەرىنە نەگىزدەلگەن جانە الەمدەگى ەڭ ۇزدىكتەردىڭ ءبىرى بولىپ سانالادى. ونىڭ ەرەكشەلىگى, مىندەتتى پاندەرمەن قاتار بالالار قورشاعان الەمدى ءبىلىم بەرۋ ويىندارىنىڭ كومەگىمەن ۇيرەنەدى. بۇل جەردە ءار بالانىڭ جەكە دامۋى, ونىڭ دايىندىق دەڭگەيى, قابىلداۋى, ويلاۋى جانە ەستە ساقتاۋى ەسكەرىلەدى.
ء«بىز اعىلشىن ءتىلدى ورتانى قۇرۋعا تىرىستىق, ءسىڭىرۋ ءادىسىن قولدانامىز: بىزدە اعىلشىن ءتىلىن شەتەلدىكتەر ۇيرەتەدى. اعىلشىن تىلىندە ايكيدو, حورەوگرافيا, مۋزىكا, baby yoga, شاحمات سەكتسيالارى بار. اعىلشىن تىلىمەن قاتار بالالار قازاق ءتىلىن ۇيرەنەدى. بالاباقشانىڭ ارتىقشىلىعى – شاعىن توپتار, ارقايسىسىندا 12 بالادان اسپايدى, بۇل ءار بالاعا جەكە-جەكە نازار اۋدارۋعا مۇمكىندىك بەرەدى. ءبىزدىڭ ماقساتىمىز – ءوز بەتىنشە ويلايتىن, زەرتتەۋدى جانە قۇرۋدى جاقسى كورەتىن ادامدى تاربيەلەۋ», دەيدى بالاباقشا ديرەكتورى ارايلىم قىرعىزبەكوۆا.
ودان باسقا Britannica-دا دەمالىس كۇندەرى قىزمەت كورسەتىلەدى. بۇل جۇمىس كەستەسى نورمالانباعان نەمەسە اياقاستىنان ىسساپارعا باراتىن اتا-انالار ءۇشىن وتە ىڭعايلى. الماتى قالاسىندا العاش رەت مەكتەپكە دەيىنگى ءبىلىم بەرۋدە بالالاردى بالاباقشادا بولعان كەزدە ساقتاندىرۋ جۇيەسى ەنگىزىلدى. بۇل كوپتەگەن شەتەلدىك اتا-انالار باعالاعان ماڭىزدى شارت.
«مەنىڭ ويىمشا, بۇگىندە قازاقستاندا بيزنەستى جايلى جۇرگىزۋ ءۇشىن بارلىق جاعداي جاسالعان. بۇل تۇرعىدا مەن مەملەكەتتىك قولداۋدىڭ بارلىق قۇرالىن پايدالانۋعا تىرىسامىن. العاش رەت ءبىر جىل بۇرىن Almaty Business-2025 بويىنشا جەڭىلدەتىلگەن نەسيە الدىم. سول كەزدە 10 ملن تەڭگە مولشەرىندەگى قاراجاتقا بالالاردى تاسىمالداۋ ءۇشىن كولىك ساتىپ الدىق. قىزمەتكەرلەردىڭ جالاقىسى «ەڭبەك» ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋ باعدارلاماسى بويىنشا ءىشىنارا سۋبسيديالانادى. سونداي-اق ءبىز «بالاپان» باعدارلاماسىنىڭ قاتىسۋشىلارىمىز. بۇل بويىنشا اتا-انالاردىڭ ءبىلىم الۋعا جۇمساعان شىعىندارىنىڭ ءبىر بولىگىن مەملەكەت وتەيدى. بۇل ءوز ءىسىن تۇراقتى دامىتۋ ءۇشىن پايدالانۋعا بولاتىن جانە بيزنەس ءۇشىن قاجەت بولاتىن ۇلكەن قولداۋ», دەيدى بيزنەسۆۋمەن.
كاسىپكەرلىكتى قولداۋدىڭ قولدانىستاعى مەملەكەتتىك باعدارلامالارى بويىنشا كەڭەستەردى Qoldaý كاسىپكەرلىك ورتالىعىنان الۋعا بولادى. ءوز ءىسىن جاڭا باستاعان جانە جۇمىس ىستەپ جۇرگەن كاسىپكەرلەر مەملەكەتتىك قولداۋ شارالارى جانە جوبالاردى جەڭىلدىكپەن قارجىلاندىرۋ تۋرالى بىلە الادى, بيزنەس-جوسپار جازۋعا تاپسىرىس بەرە الادى, كاسىپكەرلىك نەگىزدەرىنە وقىتۋدان ءوتىپ, بيزنەس-يدەيالاردى ىسكە اسىرۋ ءۇشىن بەلگىلى ءبىر رۇقسات قۇجاتتارىن الا الادى.