استانا. 22 ءساۋىر. بۇگىن ماسكەۋدە كاسپي ماڭى ەلدەرىنىڭ سىرتقى ىستەر مينيسترلەرى كونفەرەنتسيا وتكىزدى. بۇل تۋرالى Bakupost.az حابارلادى.
«كەزدەسۋدە بيىلعى جىلدىڭ كۇزىندە استراحاندا وتەتىن كاسپي ءسامميتىنىڭ دايىندىق بارىسىنا باسا نازار اۋدارىلادى. مينيسترلەر الداعى ءسامميتتىڭ باعدارلاماسى مەن كۇن ءتارتىبىن, سونداي-اق ونىڭ قورىتىندى قۇجاتتارىنىڭ جوبالارىن تالقىلادى», – دەلىنگەن رەسەي فەدەراتسياسى سىرتقى ىستەر مينيسترلىگىنىڭ رەسمي سايتىندا.
كونفەرەنتسياعا رەسەي, قازاقستان, ازەربايجان, يران جانە تۇركىمەنستان سىرتقى ىستەر مينيسترلەرى قاتىستى. ولار 2010 جىلى باكۋدە وتكەن كاسپي سامميتىنەن كەيىنگى مامانداردىڭ اتقارعان جۇمىسىن تالقىلادى.
«رەسەي كاسپي تەڭىزىنە قاتىستى بارلىق كەلىسىمدەردە كورسەتىلگەن شارتتاردى قاتاڭ ساقتايدى. سونىمەن قاتار, كاسپي ماڭى ەلدەرىنىڭ اراسىنداعى ديالوگتى» دامىتۋدى قولداپ, ماسكەۋدەگى كونفەرەنتسيانىڭ ءساتتى وتۋىنە ۇلكەن ءمان بەرەدى», – دەپ مالىمدەدى رەسەيدىڭ سىرتقى ىستەر مينيسترلىگى.
ايدار ورىسباەۆ.
دەرەككوز: Bakupost.az.
فوتو: On.kz.