مەملەكەت باسشىسى نۇرسۇلتان نازارباەۆ سۋديالاردىڭ VI سەزىندە رەسپۋبليكا سوتتارىنىڭ الدىنا ۇلكەن مىندەتتەر قويعانى بەلگىلى. ولاردى مۇلتىكسىز ورىنداۋ – ۋاقىت تالابى. سوعان وراي اتالعان سەزد وتكەلى بەرى العا قويىلعان ىرگەلى مىندەتتەر بىرتىندەپ جۇزەگە اسىرىلىپ تا كەلەدى. ماسەلەن, پارلامەنتتە قىلمىستىق كودەكستىڭ, قىلمىستىق ءىس جۇرگىزۋ كودەكسىنىڭ, «قازاقستان رەسپۋبليكاسى سوت جۇيەسى مەن سۋديالارىنىڭ مارتەبەسى تۋرالى» كونستيتۋتسيالىق زاڭىنىڭ, سوت تورەلىگىن جۇزەگە اسىرۋدى ودان ءارى جەڭىلدەتۋ, بيۋروكراتيالىق راسىمدەردى ازايتۋ ماسەلەلەرى جونىندەگى زاڭنامالىق اكتىلەردىڭ جوبالارىن تالقىلاۋ بارىسىندا ءماجىلىس دەپۋتاتتارى جوعارعى سوتتىڭ بىرقاتار باستامالارىن قولدادى.
ەندى, مىنە, وسى جۇمىستاردىڭ ايقىن دالەلى رەتىندە جوعارعى سوت توراعاسى قايرات ءمامي جەرگىلىكتى سوتتاردىڭ توراعالارىمەن رەسپۋبليكادا سوت تورەلىگىن جۇزەگە اسىرۋ بويىنشا 2014 جىلدىڭ ءبىرىنشى توقسانىندا اتقارىلعان جۇمىستاردىڭ قورىتىندىلارى مەن الداعى كەزەڭدەگى مىندەتتەرى تۋرالى ونلاين-كەڭەس وتكىزدى. وندا جوعارىدا اتاپ ايتقانىمىزداي, وبلىستىق جانە اۋداندىق سوتتاردىڭ باسشىلارى, سونداي-اق, دەپارتامەنتتىڭ جانە ونىڭ جەرگىلىكتى جەرلەردەگى بولىمشەلەرىمەن سۋديالاردىڭ VI سەزىندە ەلباسى بەرگەن تاپسىرمالاردىڭ ورىندالۋى, سونىڭ ىشىندە سوت تورەلىگى سالاسىنداعى زاڭنامانى جەتىلدىرۋ بويىنشا العاشقى ناتيجەلەرى تالقىلاندى.
جوعارعى سوتتىڭ جۇمىس توبى ازاماتتىق ءىس جۇرگىزۋ كودەكسىنىڭ جاڭا جوباسىن ازىرلەپ, ونى كەڭىنەن تالقىلاۋعا شىعاردى. جەرگىلىكتى سوتتارعا وسى جوبا بويىنشا سىندارلى ۇسىنىستار ەنگىزۋ تاپسىرىلدى. سونىمەن قاتار, پرەزيدەنتتىڭ وكىمىمەن بەكىتىلگەن قىلمىستىق زاڭنىڭ جانە قىلمىستىق سوت ءىسىن جۇرگىزۋدىڭ جاڭا مودەلىنە كوشۋ جونىندەگى بىرىڭعاي مەملەكەتتىك ءىس-قيمىل جوسپارىن ىسكە اسىرۋعا جەدەل تۇردە كىرىسۋگە تاپسىرما بەرىلدى.
ق.ءمامي ازاماتتاردىڭ سوتتارعا جۇگىنۋ سانىنىڭ كوبەيۋى ديناميكاسى ساقتالىپ وتىرعانىن, مۇنىڭ ءوزى ازاماتتاردىڭ ەلىمىزدەگى سوت جۇيەسىنە دەگەن سەنىم دەڭگەيىنىڭ وسكەنىن دالەلدەيتىنىن اتاپ ءوتتى. جالپى العاندا, جۇمىستىڭ كوبەيگەنىنە قاراماستان, سوت تورەلىگىن جۇزەگە اسىرۋ ساپاسى تومەندەگەن جوق.
كەڭەستە جۇمىس بارىسىندا كەمشىلىكتەرگە جول بەرگەن جەكەلەگەن وبلىستىق سوت توراعالارىنىڭ ەسەپتەرى تىڭدالدى. بۇدان باسقا, سۋديا ادەبى نورمالارىن ساقتاۋ, سىبايلاس جەمقورلىققا قارسى شارالاردىڭ تيىمدىلىگىن ارتتىرۋ ماسەلەلەرى ءسوز بولدى. سۋديالاردىڭ شتات سانىن كوبەيتۋ تۋرالى پرەزيدەنت جارلىعىن ىسكە اسىرۋ شەڭبەرىندە وبلىستىق جانە اۋداندىق سوتتارعا سۋديالىققا كانديداتتاردى ىرىكتەۋ راسىمدەرىن جەتىلدىرۋ, قويىلاتىن تالاپتاردى كۇشەيتۋ, ولاردى وقىتۋ جانە تاعىلىمدامادان وتكىزۋ ماسەلەلەرى بويىنشا تاپسىرمالار بەرىلدى. سوتتاردىڭ باق-پەن ءوزارا ءىس-قيمىلىن ءتيىستى دەڭگەيدە قامتاماسىز ەتۋ, جەرگىلىكتى جەرلەردەگى ءباسپاسوز قىزمەتىنىڭ جۇمىسىن جاقسارتۋ مىندەتتەرى قويىلدى.
سوت تورەلىگىنىڭ اشىقتىعى مەن قولجەتىمدىلىگىن ارتتىرۋ جاعدايلارىن قامتاماسىز ەتۋ ماقساتىندا ەلەكتروندىق سوت ءىسىن جۇرگىزۋدى, سوت پروتسەسىن اۋديو جانە بەينەتىركەۋ جۇيەسى مەن باسقا دا اقپاراتتىق-كوممۋنيكاتسيالىق قۇرالداردى ودان ءارى ەنگىزۋگە قاتىستى ءتيىستى تاپسىرمالار بەرىلدى. بۇل سوت ءىسىن جۇرگىزۋگە قاتىسۋشىلاردىڭ ءىستىڭ قوزعالىسى تۋرالى اقپاراتتى جەدەل الۋىنا, سوتتىڭ شىعارعان شەشىمدەرىمەن جانە وزگە دە سوت اقپاراتىمەن تانىسۋىنا مۇمكىندىك بەرەدى.
كەڭەس جۇمىسىن قورىتىندىلاي كەلە, جوعارعى سوت توراعاسى مەملەكەت سوتتاردىڭ قىزمەتىن قامتاماسىز ەتۋ باعىتىندا بارلىق شارالاردى قابىلداپ وتىرعانىن, بۇل, ءوز كەزەگىندە, سوت تورەلىگىن جۇزەگە اسىرۋ ساپاسىن ارتتىرۋ بويىنشا جۇمىستى كۇشەيتۋگە مىندەتتەيتىنىن اتاپ ءوتتى.
الەكساندر تاسبولاتوۆ,
«ەگەمەن قازاقستان».