ازەربايجاندا رەسمي ساپارمەن جۇرگەن قازاقستان رەسپۋبليكاسىنىڭ قورعانىس ءمينيسترى سەرىك احمەتوۆ سول ەلدىڭ قورعانىس ۆەدومستۆوسىنىڭ باسشىسى زاكير گاسانوۆپەن كەزدەستى.
كەزدەسۋ بارىسىندا ەكى ەل اراسىنداعى اسكەري-تەحنيكالىق سالاداعى ىنتىماقتاستىقتى ودان ءارى نىعايتۋ ماسەلەلەرى تالقىلاندى. س.احمەتوۆ قورعانىس سالاسىنداعى ەكىجاقتى ىنتىماقتاستىقتى نىعايتۋ قاجەتتىگىن جانە ونىڭ تەك ەكى ەل ءۇشىن عانا ەمەس, ايماقتاعى تۇراقتىلىق پەن قاۋىپسىزدىكتى نىعايتۋعا سەپ بولاتىنىن اتاپ ءوتتى.
قازاقستان قورعانىس ءمينيسترى ازەربايجاندىق ارىپتەسىن بيىلعى 22-25 مامىر ارالىعىندا استانادا وتەتىن ءۇشىنشى حالىقارالىق «KADEX-2014» قارۋ-جاراق جانە اسكەري-تەحنيكالىق م ۇلىك كورمەسىنە قاتىسۋعا شاقىردى. ول, سونداي-اق, ز.گاسانوۆتى وزىنە ىڭعايلى ۋاقىتتا قازاقستانعا رەسمي ساپارمەن كەلۋگە شاقىردى.
ءوز كەزەگىندە ازەربايجان قورعانىس ۆەدومستۆوسىنىڭ باسشىسى اسكەري-تەحنيكالىق سالاداعى ىنتىماقتاستىقتىڭ ۇلكەن الەۋەتىن جانە ونى نىعايتۋ مەن كەڭەيتۋ ءۇشىن بارلىق قاجەتتى جاعداي جاسالاتىنىن اتاپ ءوتتى.
بۇدان كەيىن قازاقستان قورعانىس ءمينيسترى سەرىك احمەتوۆ ازەربايجانعا رەسمي ساپارى شەڭبەرىندە پرەمەر-مينيستر ارتۋر راسي-زادەمەن كەزدەستى.
تاراپتار ەكىجاقتى قازاق-ازەربايجان, ونىڭ ىشىندە اسكەري-تەحنيكالىق سالاداعى قارىم-قاتىناستاردى ودان ءارى نىعايتۋ ماسەلەلەرىن تالقىلادى.
سول كۇنى س.احمەتوۆ ازەربايجان پرەزيدەنتى يلحام اليەۆپەن كەزدەستى.
كەزدەسۋ بارىسىندا س.احمەتوۆ ازەربايجان كوشباسشىسىنا مەملەكەت باسشىسى نۇرسۇلتان نازارباەۆتىڭ سالەمى مەن يگى تىلەگىن جەتكىزدى.
«ەگەمەن-اقپارات».