بۇدان بىلاي وزبەكستانعا كەلەتىن تۋريستەر پتر-تەست نەمەسە كوروناۆيرۋس ينفەكتسياسىنا قارسى انتيگەنگە ەكسپرەسس-تەست تاپسىرۋعا مىندەتتەلمەيدى, دەپ حابارلايدى Egemen.kz وزبەكستان ءسىم-گە سىلتەمە جاساپ.
سەرتيفيكاتى نەمەسە ۆاكتسيناتسيا پاسپورتى جوق كەلۋشىلەردەن ەلگە باراردان كەمىندە 72 ساعات بۇرىن تاپسىرىلعان پتر-تەست ناتيجەسىن (ەلەكتروندىق QR-كودى بار) نەمەسە شەكارالىق وتكىزۋ بەكەتىندە انتيگەنگە تاپسىرىلعان تەستتىڭ تەرىس ناتيجەسىن ۇسىنۋ تالاپ ەتىلەدى. بۇل رەتتە 12 جاسقا دەيىنگى بالالارعا ۆاكتسيناتسيا تۋرالى سەرتيفيكاتتىڭ نەمەسە پاسپورتتىڭ, پتر-تەستتىڭ جانە انتيگەنگە ەكسپرەسس-تەستتىڭ ناتيجەسىن الۋ قاجەت ەمەس.
بۇعان دەيىن وزبەكستان 2022 جىلدىڭ 15 قاڭتارىندا «وميكرون» كوروناۆيرۋس ينفەكتسياسىنىڭ جاڭا شتاممىنىڭ تارالۋىنا قارسى كارانتين شارالارى اياسىندا شەكارانى كەسىپ وتۋگە شەكتەۋلەر ەنگىزگەن بولاتىن.
16 ناۋرىزدا وزبەكستان بيلىگى قازاقستان مەن تاجىكستان شەكاراسىنداعى وتكىزۋ بەكەتتەرىندە بىرقاتار كارانتين شەكتەۋىن الىپ تاستاعان.