قازاقستاننىڭ ەڭبەك ەرى يليا جاقانوۆ رەفەرەندۋمدا داۋىس بەردى, دەپ حابارلايدى Egemen.kz.
قازاقستان مەن قىرعىزستاننىڭ ەڭبەك سىڭىرگەن قايراتكەرى اتىراۋ قالاسىنداعى №7 ۋچاسكەدە تىركەلگەن. بۇگىنگى بۇكىلحالىقتىق رەفەرەندۋمنان تىس قالماي, ەل بولاشاعى ءۇشىن داۋىس بەردى.
«بۇل رەفەرەندۋمنىڭ قازاقستان حالقى ءۇشىن ماڭىزى وتە زور. ءبىز – اتا زاڭىمىزدى ەرەكشە قۇرمەت تۇتاتىن حالىقپىز. سول سەبەپتەن, ەل كونستيتۋتسياسىنا ەنگىزىلەتىن وزگەرىستەر مەن تولىقتىرۋلارعا داۋىس بەرۋ – ەل ءۇشىن, قوعام ءۇشىن قاجەت قادام. بۇل وزگەرىس بۇگىنىمىز بەن بولاشاعىمىز ءۇشىن ەرەكشە مانگە يە. حالىقتىڭ بۇگىنگى تاڭداۋى وزدەرى ءۇشىن يگىلىكتى, ءادىل ءارى ادىلەتتى بولسا ەكەن. وسى رەفەرەندۋمنىڭ ناتيجەسىندە قازاقستانىمىز جان-جاقتى دامىپ, كوركەم ەلگە اينالسا ەكەن دەگەن تىلەگىم بار. ۇرپاعىمىز وسى وزگەرىستىڭ يگىلىگىن كورسە ەكەن», دەپ پىكىر ءبىلدىردى يليا جاقانوۆ.