پەتروپاۆل. 21 ءساۋىر. سولتۇستىك قازاقستان وبلىسىنىڭ وكىل يمامى دۇيسەنباي كەنجاتاي قاجىعا ءجونسىز ءتيىسىپ, ونىڭ ار-نامىسىن اياققا تاپتايتىن سوزدەر ايتقان ادامنىڭ اتى-ءجونى انىقتالدى. بۇل تۋرالى egemen.kz ءتىلشىسى حابارلادى.
وبلىستىڭ وكىل يمامى قىزمەتىن اتقارعانىنا ءبىر جىل تولعان دۇيسەنباي قاجىنىڭ جاياۋ جۇرگەنىن ەسكەرگەن بولۋلارى كەرەك, جەرگىلىكتى كاسىپكەرلەر ءوزارا بىرىگىپ, اللاتاعالانىڭ جەردەگى ۇيىنە «دجيپ» كولىگىن سىيلايدى. سول-اق ەكەن, ءىشىن قىزعانىش ءيتى تىرمالاعان كۇنشىل الدەكىم تەلەفون سوعىپ, جەكە باسىن قورلايتىن بالاعات سوزدەردى ايتۋدى جيىلەتكەننەن كەيىن زاڭ ورىندارىنا قايرىلۋعا ءماجبۇر بولادى. جەدەل ىزدەستىرۋ شارالارى بارىسىندا تەلەفوننىڭ ارعى جاعىنان قورقىتىپ-ۇركىتىپ, تىنىم بەرمەگەن ادامنىڭ اتى-ءجونى ءمالىم بولدى.
قازىر وسىعان بايلانىستى قىلمىستىق كودەكستىڭ 112-بابى بويىنشا كۇدىكتىنىڭ ۇستىنەن قىلمىستىق ءىس قوزعالدى.
ءومىر ەسقالي.
دەرەككوز: egemen.kz.
فوتو: maps.resurs.kz.