بۇل تۋرالى ىشكى ىستەر مينيسترلىگى قىلمىستىق-اتقارۋ جۇيەسى كوميتەتىنەن ءمالىم ەتتى, دەپ حابارلايدى Egemen.kz.
ءمالىم ەتىلگەندەي, «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭعا سايكەس تەرگەۋ يزولياتورلارىندا ۇستالاتىن ۇكىمى زاڭدى كۇشىنە ەنبەگەن ازاماتتار بەلسەندى سايلاۋ قۇقىعىنا يە. ماسەلەن, 16 تەرگەۋ يزولياتورىندا ولاردىڭ ورنالاسقان جەرى بويىنشا جابىق ۋچاسكەلەر قۇرىلعان.
«سايلاۋ پروتسەسى ءوتىپ جاتقان ءۇي-جايلاردا ءتيىستى باقىلاۋ, كۇزەت جانە قاداعالاۋ قامتاماسىز ەتىلدى. كونستيتۋتسياعا ەنگىزىلەتىن تۇزەتۋلەر ءۇشىن داۋىس بەرۋگە رەسپۋبليكانىڭ تەرگەۋ يزولياتورلارىنداعى 5 مىڭنان استام ازامات قاتىسا الادى», دەدى ۆەدومستۆودان.
تەرگەۋ وقشاۋلاعىشىندا ورنالاسقان ازاماتتار كونستيتۋتسياعا ەنگىزىلەتىن وزگەرىستەر مەن تۇزەتۋلەر تۋرالى الدىن الا حاباردار ەتىلگەن.