سەناتورلار ءبىر كەزدەرى قابىلدانعان زاڭعا قايتا نارازىلىق ءبىلدىرىپ, شەت تىلدەرىن 5-سىنىپتان باستاپ وقىتۋعا ۇسىنىس جاسادى, دەپ حابارلايدى Egemen.kz.
سەناتور مۇرات باقتيار ۇلى باستاۋىش سىنىپتىڭ ءبىلىم بەرۋ جۇيەسىندەگى ۇشتىلدىلىك باعدارلاماسىن سىنعا الدى.
«ارينە, جاستاردىڭ اعىلشىن ءتىلىن ءبىلۋى - ۋاقىت تالابى. بىراق ويلاۋ, سانانى دامىتۋ جۇيەسى ءالى تولىق قالىپتاسپاعان قازاق بۇلدىرشىندەرىنە بىردەن ءۇش ءتىلدى وقىتۋدىڭ قاجەتى قانشا؟», دەيدى سەناتور.
سونداي-اق ول الەمنىڭ ەڭ الەۋەتتى 30 ەلدىڭ باستاۋىش سىنىپتارىندا قانشا ءتىل وقىتىلاتىنىن زەرتتەگەن. دەرەگىنشە, ەكى ءتىل 1-سىنىپتان 4 ەلدە, 2-سىنىپتان 5 ەلدە, 4-سىنىپتان 12 ەلدە وقىتىلادى.
«شەت ءتىلىن ءبىلۋ ساۋاتتىلىقتىڭ نەگىزگى كورسەتكىشى ەمەس, الەمدىك عىلىمدى يگەرۋگە قاجەتتى قۇرال عانا», دەپ كەلتىردى مۇرات باقتيار ۇلى.
سالتانات كەنجەباي