سەناتتىڭ كونستيتۋتسيالىق زاڭناما, سوت جۇيەسى جانە قۇقىق قورعاۋ ورگاندارى كوميتەتىنىڭ مۇشەسى رىسقالي ابدىكەروۆ قاراعاندى قالاسىنىڭ ستۋدەنتتەرىمەن كەزدەسىپ, 5 ماۋسىمدا وتەتىن رەفەرەندۋم ماسەلەلەرىن تالقىلادى.
سەناتور قاراعاندىداعى بوكەتوۆ اتىنداعى ۋنيۆەرسيتەتتىڭ جانە جوعارى مەديتسينالىق ينتەرن كوللەدج ستۋدەنتتەرىمەن كەزدەسۋ بارىسىندا ەلىمىزدى ودان ءارى دامىتۋ ءۇشىن كونستيتۋتسيالىق رەفورمالاردىڭ ماڭىزدىلىعىن اتاپ ءوتتى. ول سونداي-اق مەملەكەت باسشىسى ۇسىنعان تۇزەتۋلەر تۋرالى ايتىپ, ولاردىڭ بارلىق قازاقستاندىق ءۇشىن ەرەكشە ماڭىزىنا توقتالدى.
«كونستيتۋتسيانىڭ 33 بابىنا 56 تۇزەتۋ ەنگىزىلەتىن بولادى. بۇل – نەگىزگى زاڭنىڭ ۇشتەن ءبىرى. وزگەرىستەر ءبىرىنشى كەزەكتە ەلىمىزدىڭ ازاماتتارىنىڭ قۇقىقتارىن قامتاماسىز ەتۋگە جانە قورعاۋعا باعىتتالعان. بۇل تۇزەتۋلەر قازاقستاندىقتاردىڭ قۇقىقتارىن ءتيىمدى قورعاۋعا مۇمكىندىك بەرەدى. ءوز كەزەگىندە, ازاماتتاردىڭ قۇقىقتارىن قورعاۋ – كونستيتۋتسيالىق رەفورمانىڭ ماڭىزدى باسىمدىعى جانە مىندەتى», دەدى سەناتور رىسقالي ابدىكەروۆ.