قىزىلوردا وبلىسىندا دالالىق جەردەن ءتۇرلى اتىس قارۋلارى جاسىرىلعان ورىن انىقتالدى, دەپ حابارلايدى Egemen.kz.
بۇل جەر قر ىشكى ىستەر مينيسترلىگى جانە قىزىلوردا وبلىسى پوليتسيا دەپارتامەنتىنىڭ قىزمەتكەرلەرىنىڭ بىرلەسكەن جەدەل ءىس-شاراسى بارىسىندا بەلگىلى بولدى.
«پوليتسيا قىزمەتكەرلەرى دالالىق جەردەن ءتۇرلى اتىس قارۋلارى جاسىرىلعان ورىندى انىقتادى. ول جەردەن شولاق مىلتىق, تاپانشا, وقتار, اسحانا پىشاعى, كاسكا, رەزەڭكە تاياق (دۋبينكا), تەمىر قول كىسەنى جانە ارنايى كيىم الىندى. بۇل دەرەك بويىنشا سوتقا دەيىنگى تەرگەپ-تەكسەرۋ ارەكەتى باستالدى. تەكسەرۋ جۇمىستارى جۇرگىزىلىپ جاتىر», دەپ ءمالىم ەتتى قىزىلوردا وبلىستىق پوليتسيا دەپارتامەنتىنەن.
ايانا توعانبەك