تەننيستەن قازاقستان ايەلدەر قۇراماسى ۇزدىك وندىققا ەندى

قازاقستان تەننيس فەدەراتسياسىنان مالىمەتىنشە, بيللي دجين كينگ كۋبوگىنىڭ جاڭارتىلعان رەيتينگىسىندە ەل قۇراماسى 16-دان بىردەن 9-ورىنعا كوتەرىلدى. قازاقستان ۇلتتىق قۇراماسى رەسەي, گەرمانيا, يتاليا, رۋمىنيا, بەلگيا, پولشا سەكىلدى كوماندالاردى ارتقا قالدىردى.

قازاقستاندىق قىزدار بيىلعى ساۋىردە ەلوردادا گەرمانيا تەننيسشىلەرىن 3:1 ەسەبىمەن تىزە بۇكتىرىپ, كوماندالىق الەم چەمپيوناتىنىڭ فينالدىق كەزەڭىنە جولداما العان بولاتىن.

الەمدىك رەيتينگىدە العاشقى ون كوماندا بىلايشا ورنالاستى:

1.اۋستراليا - 1002,71 ۇپاي;

2. فرانتسيا - 885,6;

3.يسپانيا - 884,62;

4.چەحيا - 842,92;

5.شۆەيتساريا - 881,81;

6.كانادا - 780,09;

7.اقش - 758,09;

8.سلوۆاكيا - 744,23;

9.قازاقستان - 704,75;

10.گەرمانيا - 702,52.