ماقتاارالدىق پوليتسەيلەر 13 جاستاعى جوعالعان قىزدى شىمكەنتتەن تاپتى, دەپ حابارلايدى Egemen.kz.
ماقتاارال اۋداندىق پوليتسيا بولىمىنە وقۋشى قىزدىڭ اناسى جۇگىنگەن. ونىڭ ايتۋىنشا, كامەلەتكە تولماعان قىزى ۇيدەن تاڭعى ساعات 08:00 شاماسىندا شىعىپ كەتكەن. ول مەكتەپكە كىتاپ وتكىزۋگە كەتىپ, قايتا ورالماعان. ءوزى ىزدەپ تاپپاعان سوڭ پوليتسەيلەردەن كومەك سۇراعان. وسى جايتتى ەستىگەن بويدا پوليتسەيلەر جەدەل وقيعا ورنىنا جەتكەن. ولار تەز ارادا ىزدەستىرۋ جۇمىستارىن جۇرگىزىپ, كورگەن-بىلگەندەردەن جاۋاپ العان.
اقپارات كوزدەرى ارقىلى وقۋشىنىڭ شىمكەنت باعىتىنا بەلگىسىز كولىككە ءمىنىپ كەتكەنى انىقتالعان. ال ءتارتىپ ساقشىلارى ءجاسوسپىرىمنىڭ ءدىن-امان تابىلۋى ءۇشىن ىزدەستىرۋدى شىمكەنتتە جالعاستىرعان.
پوليتسەيلەر ەكى كۇن بويى تىڭعىلىقتى جۇمىس اتقارعان. ناتيجەسىندە, 13 جاستاعى قىزدى شىمكەنتتە قىدىرىپ جۇرگەن جەرىنەن تاپقان. قىزدىڭ كەتىپ قالۋىنا ۇيدەگى جانجال سەبەپ بولعان.
«اۋداندىق پوليتسيا قىزمەتكەرلەرىنە قىزىمنىڭ جوعالعانىن ايتىپ, تاۋىپ بەرۋىن سۇراعان ەدىم. ولار كامەلەت جاسىنا تولماعان قىزىمدى شىمكەنت قالاسىندا جۇرگەن جەرىنەن تاۋىپ بەردى», دەيدى تابىلعان قىزدىڭ اناسى.
گۇلدانا ەلۋباي