قوستاناي وبلىسى رۋدنىي قالاسىندا 15 جاستاعى قىز توبىل وزەنىنە باتىپ كەتتى, دەپ حابارلايدى Egemen.kz iagorod.kz-كە سىلتەمە جاساپ.
قايعىلى وقيعا 29 مامىردا توبىل وزەنىندەگى ەسكى جاعاجايدا بولعان.
«كەزىندە رۋدنىي قۇتقارۋ ستانتسياسى وسىندا ورنالاسقان. بۇل جەر ءبىراز جىلدار بويى شومىلۋعا جابدىقتالماعان. بىراق ادامدار ءالى دە وسىندا دەمالۋدى جالعاستىرادى», دەلىنگەن اقپاراتتا.
سۇڭگۋىرلەر قىزدىڭ دەنەسىن سول كۇنى ساعات 19:00 شاماسىندا تاپتى.