قازاقستان مەن مولدوۆا قۇرامالارى اراسىنداعى ماتچتا جانكۇيەرلەر زات لاقتىرىپ, الاڭعا جۇگىرىپ شىققانى ءۇشىن ۋەفا قازاقستان فۋتبول فەدەراتسياسىنا 19 250 ەۋرو كولەمىندە ايىپپۇل سالدى, دەپ جازادى Egemen.kz.
سپورت سالاسىنىڭ شەنەۋنىكتەرى ۇلتتىق قۇرامانىڭ بارشا جانكۇيەرىن الداعى ماتچتارعا بارۋ قۇقىعىنان ايىرىلىپ قالماۋ ءۇشىن قولداۋ مادەنيەتىن جوعارى دەڭگەيدە كورسەتۋگە شاقىردى.
سونداي-اق قازاقستان فۋتبول فەدەراتسياسى مولدوۆاعا قارسى وتكەن ۇلتتار ليگاسى ماتچىندا ۇلتتىق قۇرامانى قولداعانى ءۇشىن جانكۇيەرلەرگە العىسىن ءبىلدىردى.