تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات مۋسين اقتوبەگە كەلگەن ساپارىندا وڭىردەگى تسيفرلاندىرۋ جوباسىنىڭ قارقىنىمەن تانىستى. مينيستر ەڭ اۋەلى ارناۋلى مامانداندىرىلعان حالىققا قىزمەت كورسەتۋ ورتالىعىنا كەلىپ, جۇرگىزۋشىلىك كۋالىك الۋعا سىناق تاپسىرىپ جاتقان اقتوبەلىكتەرمەن پىكىرلەستى.
ب.مۋسين تسيفرلاندىرۋ جەمقورلىقتى جويۋدىڭ ءبىر ءتاسىلى ەكەندىگىن ايتا كەلىپ, تەوريالىق ەمتيحان تاپسىرعاندا دا, كولىك جۇرگىزۋ سىناعى كەزىندە دە بيومەتريانى ەنگىزۋدىڭ قاجەتتىلىگىن ايتتى. ويتكەنى كولىك جۇرگىزۋ سىناعىن تاپسىرۋشى ازاماتتىڭ ورنىنا بوگدە ادامدار كىرىپ كەتۋى ابدەن مۇمكىن. بۇگىندە وسى ورتالىقتا كۇنىنە 100-130 ادام جۇرگىزۋشىلىك كۋالىك الۋعا سىناق تاپسىرسا, ولاردىڭ اراسىنان 10-12 ادام عانا وتەدى.
بۇل جەردە اقتوبەلىكتەر مينيستردەن اۋىلداردى ساپالى ينتەرنەتپەن قامتاماسىز ەتۋ جوباسى تۋرالى سۇرادى. ايتا كەتۋ كەرەك, قازىرگى كەزدە وڭىردەگى 326 ەلدى مەكەننىڭ 226-دە ءموبيلدى بايلانىس بار. بىراق كوپشىلىك اۋىلدا ينتەرنەت بايلانىسى ءالى كۇنگە دەيىن ءالسىز. ب.مۋسين 2024 جىلدىڭ سوڭىنا دەيىن اقتوبە وبلىسىنداعى 96 اۋىلعا جىلدامدىعى جوعارى ينتەرنەت جەتەتىندىگىن اتاپ ءوتتى.
ودان كەيىن مينيستر ق.جۇبانوۆ اتىنداعى اقتوبە وڭىرلىك مەملەكەتتىك ۋنيۆەرسيتەتىنىڭ يننوۆاتسيالىق تەحنولوگيالار پاركىندە جەرگىلىكتى عالىمدارمەن جانە ستۋدەنتتەرمەن كەزدەستى. ءتورت جىل بۇرىن اشىلعان وسى ورتالىقتا «باعدارلامالاۋ نەگىزدەرى», «IT كابينەت», كومپوزيتتىك ماتەريالدار زەرتحاناسى, «اعىندى دەرەكتەر تالداۋى جانە ماشينالىق وقىتۋ», «روبوتوتەحنيكا جۇيەلەرى», «3D مودەلدەۋ» جانە «كومپيۋتەرلىك جەلىلەر» زەرتحانالارى ورنالاسقان. ەسەپتەۋ تەحنيكاسى جانە باعدارلامالىق قامتاماسىز ەتۋ ماماندىعىنىڭ ستۋدەنتتەرى وزدەرى ازىرلەگەن تانىمدىق ويىندار جوبالارىن تانىستىردى. 4-كۋرس ستۋدەنتتەرى «اقىلدى ءۇي» تەحنولوگياسى بويىنشا تۇرعىن ءۇي ولشەمدەرىن باسقارىپ, باقىلاۋ جوباسىن كورسەتتى. وسى Smart house جوباسى ارقىلى سەنسورلاردان مالىمەت الىپ, جارىقتاندىرۋ مەن دابىل جۇيەسىن اۆتوماتتى تۇردە دە, راديو ارقىلى دا باسقارۋعا بولادى. سونداي-اق ستۋدەنتتەر ينفورماتيكا جانە اقپاراتتىق تەحنولوگيالار كا- فەدراسىندا اقپاراتتارى وزدىگىنەن جىلدام جاڭالانىپ تۇراتىن ينتەراكتيۆتى قابىرعانى تانىستىردى. مينيستر تەحنوپارك جۇمىسىمەن تانىسقاننان كەيىن ءوڭىردىڭ IT قاۋىمداستىعىمەن جانە ستۋدەنتتەرمەن كەزدەستى. ساپار سوڭىندا اقتوبە وبلىسى اكىمدىگى عيماراتىندا احۋال ورتالىعىمەن تانىسىپ, ءوڭىر باسشىسى وڭداسىن ورازالينمەن تسيفرلاندىرۋ باعدارلاماسى بويىنشا جەدەل شەشۋدى قاجەت ەتەتىن بىرقاتار جوبالاردى تالقىلادى.
اقتوبە وبلىسى