قوناەۆ رۋحىنا قۇرمەت

«بۇل مەكتەپ بۇعان دەيىن ساكەن سەيفۋلليننىڭ اتىمەن اتالىپ كەلگەن بولاتىن. الايدا ءبىزدىڭ اۋداندا سەيفۋللين اتىنداعى مەكتەپ ەكەۋ بولعاندىقتان, ونىڭ بىرىنە قوناەۆتىڭ ەسىمىن بەرۋگە ۇسىنىس بەردىك. بۇل ويىمىزدى اۋدان تۇرعىندارى دا ماقۇلداپ, باستامامىزعا وڭ باعاسىن بەردى», دەدى اۋدان اكىمى. ايتىسكەر اقىن ەسەت دوسالى ارناۋ ايتىپ, اۋداننىڭ دامۋى جولىندا ەڭبەك ەتكەن ازاماتتاردىڭ ەڭبەگىن جىرعا قوستى. ال ءوز سوزىندە اۋداندىق القا بيلەر كەڭەسىنىڭ توراعاسى سەرىك اپپازوۆ پەن دىنمۇحامەد قوناەۆ ەسكەرتكىشىنىڭ بوي كوتەرۋىنە دەمەۋشىلىك كورسەتكەن كاسىپكەر, سارىسۋ اۋدانىنىڭ قۇرمەتتى ازاماتى, ەلىمىزدىڭ قۇرمەتتى قۇرىلىسشىسى داۋلەتالدى جانباەۆقا, اۋدان اكىمى مارات سۇلتانعاليەۆكە جانە ءمۇسىنشى التاي بەيسەنوۆكە العىس ايتتى. سونداي-اق داۋلەتالدى جانباەۆ بيىلعى جىلى بۇل ەسكەرتكىشپەن قاتار, بىرقاتار اۋىل ازاماتتارى بىرىگىپ, جاڭا­تاس قالا­سىنداعى «ۇرپاقتار اللەياسى» اۋما­عىنا دىنمۇحامەد قوناەۆتىڭ بيىكتىگى 5 مەتر­دەن اساتىن ەڭسەلى ەسكەرتكىشىن ورناتۋ دا جوسپاردا بار ەكەنىن جەتكىزدى. ال وبلىستىق ارناۋلى الەۋمەتتىك قىز­مەت كورسەتۋ ورتا­لىعىنىڭ ديرەكتورى بالابەك نار­باەۆ, سارىسۋ اۋدانىنىڭ قۇرمەتتى ازاماتتارى لەسبەك شايمەن ۇلى مەن التىن دوسجانوۆا قۇتتىقتاۋ ءسوز سويلەپ, اۋداننىڭ قۇرىلۋ تاريحى جونىنەن اڭگى­مەلەدى. سونداي-اق وسىناۋ يگى ىسكە اتسا­لىسقان بارشا ازاماتتارعا اق باتاسىن بەردى. ەڭسەلى ەسكەرتكىشتى باسيە ابدراحمانوۆ, سوۆەت بەيىمبەتوۆ جانە تىنىشتىق بەكتورەەۆا سىندى اۋداننىڭ زيالى قاۋىم وكىلدەرى سالتاناتتى تۇردە اشتى. ءبىلىم وشاعىنىڭ الدىنان بوي كوتەرگەن ەسكەرتكىشتىڭ بيىكتىگى 3 مەتر. ال 784 وقۋشىعا ارنالعان بۇل مەكتەپ 1987 جىلى پايدالانۋعا بەرىلگەن. قا­زىرگى تاڭدا مۇندا 756 وقۋشى ءبىلىم الۋ­­دا. مەكتەپ ديرەكتورى گۇلميرا ومىر­باەۆانىڭ ايتۋىنشا, بيىلعى 34 تۇلەكتىڭ ۇشەۋى «التىن بەلگىگە» ۇمىتكەر ەكەن.

بۇدان كەيىن اۋداندىق مادەنيەت ۇيىندە دىنمۇحامەد قوناەۆتىڭ تۋعانىنا 110 جىل تولۋىنا وراي فورۋم ءوتتى. عى­لىمي كەڭەسكە «د.قوناەۆ اتىنداعى حالىق­ارالىق قورى» وبلىستىق فيليالى ديرەكتورىنىڭ ورىنباسارى, جۋرناليست جاڭاباي ميلليونوۆ, حالىقارالىق «الاش» ادەبي سىيلىعىنىڭ لاۋرەاتى, جازۋشى كوسەمالى ءساتتىباي ۇلى, د.قوناەۆ اتىنداعى وبلىستىق بالالار مەن جاس­وسپىرىمدەر كىتاپحاناسى ديرەك­تورىنىڭ ورىنباسارى سايلاۋبەك لەسباەۆ جانە تالاس اۋدانىنداعى د.قوناەۆ اتىنداعى مۋزەيدىڭ قىزمەتكەرى ىلەس نۇر ۇلى قاتىسىپ, كورنەكتى قايراتكەردىڭ ءومىرى مەن قىزمەت جولى تۋرالى بايانداما جاسادى. فورۋم بارىسىندا اۋدان اكىمى مارات سۇلتانعاليەۆ جەكە قاراجاتىنا د.قوناەۆتىڭ ەسكەرتكىشىن سالىپ بەرگەن كاسىپكەر داۋلەتالدى جانباەۆقا العىس حات تابىستاپ, قۇرمەت كورسەتتى. سون­داي-اق جۋىردا عانا اۋداندىق ىشكى ساياسات ءبولىمىنىڭ ۇيىمداستىرۋمەن وتكەن «شابىتىمنىڭ شىنارى – ديماش اتا» اتتى اۋداندىق جىر ءمۇشايراسىنىڭ جەڭىمپازدارىن ماراپاتتادى.

جامبىل وبلىسى