«جاسىل دامۋ» وسى ۋاقىتقا دەيىن ارتىق تولەنگەن ۋتيل الىمدى قايتارۋعا ءوتىنىم قابىلداۋدى باستادى. بۇعان دەيىن اتالعان كومپانيانىڭ رەسمي سايتىندا تەحنيكالىق جۇمىستىڭ جۇرگىزىلۋىنە بايلانىستى ءوتىنىم بەرۋ مۇمكىن بولماعان ەدى, دەپ حابارلايدى Egemen.kz.
«جاسىل دامۋ» اق recycle.kz رەسمي سايتىندا تەحنيكالىق جۇمىستاردىڭ اياقتالعانىن حابارلايدى. كادەگە جاراتۋ تولەمىن قالىپتاستىرۋ ءۇشىن جەكە كابينەت جۇمىس ىستەيدى», دەلىنگەن كومپانيانىڭ رەسمي تاراتقان اقپاراتىندا.
«جاسىل دامۋ» اق recycle.kz رەسمي سايتىنداعى جەكە كابينەتكە كىرۋ 25 مامىردان باستاپ شتاتتىق رەجيمدە جۇمىس ىستەپ تۇر. ەندى 2022 جىلدىڭ 14 مامىرىنان كەيىن ۋتيليزاتسيالىق الىمدى ەسكى مولشەرلەمە بويىنشا تولەگەن جەكە جانە زاڭدى تۇلعالار ارتىق تولەنگەن سوماسىن قايتارىپ الا الادى. ول ءۇشىن «E-otinish» ەلەكتروندىق پلاتفورماسىندا ەلەكتروندى تسيفرلىق قولتاڭبا ارقىلى ءوتىنىش بەرۋى قاجەت.
وتىنىشتە تولەم تاپسىرماسىن قوسا بەرە وتىرىپ, قايتارۋدى جۇزەگە اسىرۋ ءۇشىن ءوتىنىمنىڭ ءنومىرىن, شوتتىڭ دەرەكتەمەلەرىن كورسەتۋى كەرەك.