23 مامىردا ەلىمىزدىڭ وڭىرلەرىندەگى شالعاي جاتقان ستانتسيالار مەن رازەز تۇرعىندارىنا مەديتسينالىق قىزمەت كورسەتۋ ءۇشىن ارنايى پويىزدار جولعا شىعادى, دەپ حابارلايدى Egemen.kz «قازاقستان تەمىر جولى» ۇق» اكتسيونەرلىك قوعامىنىڭ ءباسپاسوز قىزمەتىنە سىلتەمە جاساپ.
پويىزدار 13000 كم-دەن استام قاشىقتىقتى ءجۇرىپ ءوتىپ, شالعاي ورنالاسقان تولتىر, افاناسەۆو, بەگىمبەت, نيكەلتاۋ سياقتى ستانسالار مەن رازەزدەرگە بارادى. بيىل 200-گە جۋىق ستانسا مەن رازەزدى قامتۋ جوسپارلانىپ وتىر.
دارىگەرلەر العاشقى مەديتسينالىق-سانيتاريالىق جانە كونسۋلتاتسيالىق-دياگنوستيكالىق كومەك كورسەتەدى. مەدبريگادالار قۇرامىندا تەراپەۆت, پەدياتر, لور, كارديولوگ, وفتالمولوگ, ستوماتولوگ جانە ت.ب. ماماندار بار.
«جاردەم» جانە «سالاماتتى قازاقستان» مەديتسينالىق پويىزدارى ارنايى جابدىقتالعان 8 مامانداندىرىلعان ۆاگوننان تۇرادى. دارىگەرلەر كۇنىنە ونداعان ناۋقاستى تەكسەرەدى. مەديتسينالىق پويىزدار جۇمىس ىستەپ تۇرعان ستانساعا بىلىكتى مامانداردىڭ تەكسەرۋىنەن ءوتۋ ءۇشىن وزگە ەلدى مەكەندەردەن دە تۇرعىندار كەلەدى», دەلىنگەن حابارلامادا.