16 مامىردا كاسپي تەڭىزىنە قىزعىلت-سارى ءتۇستى بەلگىسىز سۇيىقتىقتىڭ توگىلگەنى تۋرالى ۆيدەو تارادى. وسىدان كەيىن وبلىستىق ەكولوگيا دەپارتامەنتى توگىلگەن سۇيىقتىقتى انىقتاپ, اتالعان مەكەمەگە شارا قولداناتىنىن مالىمدەدى, دەپ حابارلايدى Egemen.kz.
اتالعان فاكت بويىنشا ماڭعىستاۋ وبلىسى ەكولوگيا دەپارتامەنتىنىڭ ەكولوگيالىق باقىلاۋ جانە زەرتحانالىق-تالداما ءبولىمىنىڭ ماماندارى جەدەل جۇمىسقا كىرىسكەن.
«ناتيجەسىندە №13 ءورت ءسوندىرۋ بەكەتىنىڭ تەحنيكالىق تسيستەرناسى تەسىلىپ, ىشىندەگى ءورت ءسوندىرۋ گيدرانتتارىنان الىنعان 500 ل سۋ تەڭىزگە توگىلگەندىگىن انىقتادى. شولۋ جۇرگىزۋ بارىسىندا تەڭىز سۋىنىڭ سىنامالارى الىندى. سونداي-اق №13 ءورت ءسوندىرۋ بەكەتىنىڭ وكىلدەرى اتالعان ماسەلە بويىنشا تۇسىنىكتەمە بەردى. الداعى ۋاقىتتا ەكولوگيا دەپارتامەنتى قولدانىستاعى زاڭناماعا سايكەس ءتيىستى شارالار قابىلدايدى», دەدى ماڭعىستاۋ وبلىسى ەكولوگيا دەپارتامەنتىنىڭ ءباسپاسوز قىزمەتى.