پاۆلودار وبلىسىندا 20 قاپ موڭكە بالىعىن زاڭسىز اۋلاعان تۇرعىندار ۇستالدى, دەپ حابارلايدى Egemen.kz polisia.kz-كە سىلتەمە جاساپ.
11 مامىر ساعات 06:30-دا اقسۋ قالاسىنىڭ پوليتسيا قىزمەتكەرلەرى 60 جاستاعى ەر ادامنىڭ باسقارۋىمەن Volkswagen Passat كولىگىن توقتاتتى. سالوندا شامامەن 45 جاستاعى ەكى ەر ادام بولعان.
«كولىكتى تەكسەرۋ كەزىندە ونىڭ تىركەمەسىنەن بالىق اۋلاۋ قۇرالدارى, رەزەڭكە ۇرلەمەلى قايىق, 20 قاپ مولشەرىندە اۋلانعان موڭكە بالىعى تابىلدى. قۇقىق بۇزۋشى قر قك-ءنىڭ 335-بابىنىڭ 1-بولىگى 1-تارماعى (بالىق رەسۋرستارىن, باسقا دا سۋ جانۋارلارىن نەمەسە وسiمدiكتەرىن زاڭسىز الۋ) بويىنشا جاۋاپقا تارتىلدى», دەدى پاۆلودار وبلىسى اقسۋ قالاسىنىڭ پوليتسيا ءبولىمىنىڭ باستىعى داۋلەت مولداباەۆ.
ەستەرىڭىزگە سالا كەتەيىك, 15 ءساۋىر مەن 30 مامىر ارالىعىندا پاۆلودار وبلىسىنىڭ دالا جانە تۇششى سۋ ايدىندارىندا, ەرتىس وزەنىندە جانە ونىڭ جايىلما سۋ ايدىندارىندا بالىق اۋلاۋدىڭ بارلىق تۇرلەرىنە تىيىم سالىندى.
ايانا توعانبەك