اۋعانستانداعى تۇراقسىزدىق الاڭداتادى

جالپى, وسىدان 30 جىل بۇرىن ايماقتىق قاۋىپسىزدىكتى قامتاماسىز ەتۋدە اۋەلى قاۋىپ­سىزدىك تۋرالى شارتى جاسالعان بولاتىن. سونىڭ ناتيجەسىندە ول ۇكشۇ-عا اينالعان ەدى. بۇل ۇيىمنىڭ ەڭ باستى قاعيداتتارى – ايماقتىق قاۋىپسىزدىكتى قام­تاماسىز ەتۋ, زاڭسىز كوشى-قون ماسەلەسى, ەسىرتكى جانە قارۋ-جاراق تاسىمالداۋ, ەكسترە­ميزمگە قارسى كۇرەس. وسى قاۋىپ-قاتەرلەردىڭ الدىن الۋ ماق­ساتىندا ۇقشۇ مۇشەلەرى بىر­لەس­كەن وقۋ-جاتتىعۋلار وتكىزىلىپ كەلەدى.

قازىرگى تاڭدا ۇيىمنىڭ نازارى ورتالىق ازيا مەملە­كەت­تەرىنە قاتەر ءتوندىرىپ تۇرعان اۋعانستانداعى تۇراقسىزدىققا اۋىپ تۇر. وسىدان 5-6 جىل بۇ­رىن سيرياداعى قاقتىعىستا دايش تەررورلىق ۇيىمىنىڭ اۋعانستان شەكاراسى ارقىلى ورتالىق ازياعا ءوتۋ قاۋپى تونگەن ەدى. اۋعانستان ۇكىمەتىنە تاليباندار كەلگەنىمەن بۇل ەلدە ءالى دە تۇراقتىلىق ورناي قويعان جوق. سونىڭ سالدارىنان ءالى كۇنگە دەيىن ورتالىق ازيا مەملە­كەت­تەرىنىڭ قاۋىپسىزدىگىنە تونگەن قاۋىپ سەيىلمەي تۇر. ماسكەۋدە وت­كەن سامميتتە پرەزيدەنت قاسىم-جومارت توقاەۆ بۇل ماسەلەگە باسا نازار اۋدارۋدى ۇسىندى.

سونىمەن قاتار جيىندا قازاقستان پرەزيدەنتى بىتىم­گەر­شىلىك كۇشتەرى تۋرالى ماسە­لەنى دە كوتەردى. ەلىمىزدەگى قاڭتار وقيعاسى كەزىندە قازاق­­ستاننىڭ شاقىرۋىمەن ۇقشۇ-نىڭ بىتىمگەرلىك كۇش­تەرى سترا­تەگيالىق نىسانداردى قور­عاعان بولاتىن. الداعى ۋاقىت­تا ولاردىڭ قۇقىق­تىق دارە­جەسىن كوتەرۋ, ياعني بىتىم­گەر­شى­لەر­دى بۇۇ-نىڭ بىتىمگەرشىلىك قىز­مەتىمەن بايلانىستىرۋ مىندەتى كۇن تارتى­بىنە قويىلىپ وتىر. بۇل – قازىر­گى تاڭداعى ەڭ وزەكتى ماسە­لە­نىڭ ءبىرى. سونىمەن قاتار ۇجىم­دىق قاۋىپسىزدىك تۋرالى شارت ۇيىمىنىڭ ايماقتىق قاۋىپ­سىز­دىكتى قامتاماسىز ەتۋدەگى باستى ماقساتى اۋعانستاندا تۇراق­تى­لىق ورناتۋ, سوعان ىق­پال ەتۋ بولىپ تابىلادى. سول سەبەپتى قازاق­ستان پرەزيدەنتىنىڭ ۇسىنىسى ەرەكشە نازار اۋدا­رار­لىق.

قازىبەك مايگەلدينوۆ,

قازاقستاندىق قوعامدىق دامۋ ينستيتۋتى قەاق باسقارما توراعاسى