ادامزاتتى فاشيستىك ەزگىدەن ازات ەتكەن ۇلى جەڭىستىڭ 69 جىلدىعى جاقىنداپ كەلەدى. وسى ايتۋلى مەرەكەگە وراي, ۇلى وتان سوعىسىنا قاتىسۋشىلار مەن مۇگەدەكتەرگە جان-جاقتى قۇرمەت كورسەتۋ شارالارى باستاۋ الدى.
بيىل ەلوردادا ۇلى وتان سوعىسىنداعى جەڭىستىڭ 69 جىلدىعىن اتاپ ءوتۋ اياسىندا جەكە ساناتتاعى ازاماتتارعا جەرگىلىكتى بيۋدجەت قارجىسى ەسەبىنەن ءبىر رەتتىك اقشالاي تولەم رەتىندە الەۋمەتتىك قولداۋ كورسەتىلەدى. جەڭىس كۇنىنە وراي قازىرگى تاڭدا استانادا تۇراتىن 258 ۇلى وتان سوعىسىنا قاتىسۋشىلار مەن مۇگەدەكتەرگە 150 مىڭ تەڭگەدەن ءبىر رەتتىك كومەك كورسەتۋ شاراسى قاراستىرىلۋدا. بۇل تۋرالى استانا قالاسى اكىمى اپپاراتىنىڭ ءباسپاسوز قىزمەتى حابارلادى.
قالالىق جۇمىسپەن قامتۋ جانە الەۋمەتتىك باعدارلامالار باسقارماسىنىڭ مالىمدەمەسىندە: «جەڭىس كۇنىنە وراي ارناۋلى مەملەكەتتىك جاردەماقى الۋشىلار ىشىنەن تومەندە كورسەتىلگەن ساناتتارعا ماتەريالدىق كومەك كورسەتۋ جوسپارلانۋدا. 1941-1945 جىلدارى ۇلى وتان سوعىسىنا قاتىسۋشىلار مەن مۇگەدەكتەرگە 150 مىڭ تەڭگەدەن; « ۇلى وتان سوعىسىنىڭ قاتىسۋشىلارى مەن مۇگەدەكتەرiنە جانە سولارعا تەڭەستiرiلگەن ادامدارعا بەرiلەتiن جەڭiلدiكتەر مەن ولاردى الەۋمەتتiك قورعاۋ تۋرالى» قازاقستان رەسپۋبليكاسى زاڭىنىڭ 6, 8-باپتارىندا ءمارتەبەسi بەرiلگەن ۇلى وتان سوعىسىنىڭ قاتىسۋشىلارى مەن ءمۇگەدەكتەرiنە جەڭiلدiكتەر مەن كەپiلدەر بويىنشا تەڭەستiرiلگەن ادامدارعا 20 مىڭ تەڭگەدەن ءتولەنەدى», دەپ اتاپ كورسەتىلگەن. سونىمەن قاتار, جەڭىلدىكتەر مەن كەپىلدىكتەر بويىنشا سوعىسقا قاتىسۋشىلارعا تەڭەستىرىلگەن باسقا دا ساناتتاعى ادامدارعا, سونىڭ ىشىندە سوعىس جىلدارىنداعى تىل ەڭبەككەرلەرى, قازا بولعان اسكەري قىزمەتشىلەردىڭ وتباسىلارىنا 10 مىڭ تەڭگەدەن ءبىر رەتتىك كومەك كورسەتىلەدى.
جىلقىباي جاعىپار ۇلى,
«ەگەمەن قازاقستان».