قىزىلوردا وبلىسى بويىنشا كەدەندىك باقىلاۋ دەپارتامەنتىندە كونسۋلتاتيۆتىك كەڭەستىڭ كەزەكتى ءماجىلىسى ءوتتى. ماجىلىستە جاڭا ەرەجەلەردىڭ ءبىرى – كەدەن وداعىنىڭ اۋماعىنا تەمىرجولمەن اكەلىنەتىن تاۋارلار تۋرالى مىندەتتى الدىن الا اقپاراتتاندىرۋ ماسەلەسى تالقىلاندى.
الداعى قازان ايىنان باستاپ كۇشىنە ەنەتىن بۇل ەرەجەنىڭ بىرنەشە ارتىقشىلىقتارى بار. مىسالى, الدىن الا اقپاراتتاندىرۋدى ترانزيت دەكلاراتسياسىنىڭ ەلەكتروندى كوشىرمەسى ەسەبىندە پايدالانۋعا بولادى. سونداي-اق, جۇكتىڭ ءوتۋ ۋاقىتى ەداۋىر قىسقارادى. مىسالى, ءوتكىزۋ پۋنكتىندە تۇرعان كەدەن وكىلىمەن بايلانىسۋدىڭ قاجەتى جوق جانە تاۋاردى بوساتۋ تۋرالى شەشىم قابىلداۋعا از عانا ۋاقىت جۇمسالادى.
ودان سوڭ «تاۋارلارعا ارنالعان دەكلاراتسيادا كورسەتىلگەن ءمالىمەتتەرگە وزگەرىستەر مەن قوسىمشالار ەنگىزۋدىڭ ءتارتىبى تۋرالى» ەۋرازيا ەكونوميكالىق كوميسسياسىنىڭ شەشىمى تۋرالى ءسوز بولدى. وڭىرگە كەلەتىن تاۋارلاردىڭ نەگىزگى تاسقىنى «قىزىلوردا-كەدەندىك رەسىمدەۋ ورتالىعىنان» وتەدى. كەدەن بەكەتىنىڭ باسشىسى ا.قارلىحانوۆ تاۋار دەكلاراتسياسىن تولتىرۋ بارىسىندا قاي جەردە قانداي مالىمەتتى ورنالاستىرۋداعى جاڭا تالاپتاردى ءتۇسىندىردى.
سونىمەن قاتار, كەدەنشىلەر ۇستىمىزدەگى جىلدىڭ 22-23 مامىرىنا جوسپارلانىپ وتىرعان VII استانا ەكونوميكالىق فورۋمى جانە II داعدارىسقا قارسى بۇكىلالەمدىك كونفەرەنتسيا تۋرالى حابارلاما جاسادى. الەم حالىقتارىنىڭ بىرىڭعاي جانە تەڭ قۇقىلى ۇنقاتىسۋى, زەرتتەۋلەر جۇرگىزۋ, مەملەكەتتىك, قوعامدىق, اقپاراتتىق جانە بيزنەس قۇرىلىمدارىن كەڭىنەن تارتۋ ارقىلى ۇلتتىق ەكونوميكالاردى جانە عالامدىق قاۋىمداستىقتى دامىتۋدىڭ وزەكتى پروبلەمالارى جونىندە ۇسىنىستار مەن باعدارلامالار ازىرلەۋ ءۇشىن قۇرىلعان G-Global سايتىندا ينتەراكتيۆتى, اشىق جانە بۇقارالىق پىكىرتالاستارعا قاتىسۋ مۇمكىندىگى ءتۇسىندىرىلدى.
قىزىلوردا وبلىسى بويىنشا كەدەندىك باقىلاۋ دەپارتامەنتىنىڭ مالىمەتتەرىنە كوز جۇگىرتسەك, قىزىلوردالىق كەدەنشىلەر ءى توقسان قورىتىندىسى بويىنشا بيۋدجەتكە 3 ميلليارد 63 ميلليون 210 مىڭ تەڭگە كەدەندىك تولەمدەر مەن سالىقتار تۇسىرگەن ەكەن. بۇل الدىن الا جاسالعان بولجامدى تاپسىرما 100,1 پايىزعا ورىندالدى دەگەن ءسوز. 2014 جىلدىڭ العاشقى توقسانىندا وبلىستىڭ سىرتقى ساۋدا اينالىمى 366 ميلليون 291 مىڭ اقش دوللارىن قۇرادى. مۇنى وتكەن جىلدىڭ ەسەپتى كەزەڭىمەن سالىستىرا قاراساق, سىرتقى ساۋدا اينالىمى 7 ميلليون 396 مىڭ دوللارعا كەمىگەنىن كورەمىز.
كەدەندىك اۋديت بويىنشا, سىرتقى ەكونوميكالىق قىزمەتكە قاتىسۋشىلاردىڭ قىزمەتىنە 3 جوسپارلى جانە 9 كامەرالدىق تەكسەرۋ جۇرگىزىلدى, ناتيجەسىندە بيۋدجەتكە 104 ميلليون تەڭگە كەدەن تولەمدەرى مەن سالىقتارى قوسىمشا ەسەپتەلىندى. دەپارتامەنتتىڭ كونترابانداعا قارسى كۇرەس باسقارماسى بارلىعى 6 قىلمىستىق ءىس قوزعاپ, 24 ميلليون 475 مىڭ تەڭگە مەملەكەت پايداسىنا شىعىن وندىرگەن. قىسقاسى, كەدەننەن كەلەر شىعىننان پايدا زور.
ەرجان بايتىلەس,
«ەگەمەن قازاقستان».
قىزىلوردا.