تۇركىستان وبلىسىندا ۇيلەردى سۋ باستى

قازىرگى ۋاقىتتا تۇرعىن ۇيلەردى سۋ باسپاس ءۇشىن تجد قىزمەتكەرلەرى جاڭبىر سۋىن سورۋ جۇمىستارىمەن شۇعىلدانىپ جاتىر. 2022 جىلعى 14 مامىر كۇنى تۇركىستان وبلىسىندا قاتتى جاۋىن شاشىن سالدارىنان قازىعۇرت اۋدانىنىڭ 11 كوشەسىنە, اتاپ ايتقاندا 20 جەكە تۇرعىن ۇيگە, 67 شارۋاشىلىق عيماراتقا, 62 اۋلا ىشىنە سۋ كىرگەن.

سۋ جۇمىستارىنا توتەنشە جاعدايلار دەپارتامەنتىنىڭ 45 قىزمەتكەرى , 7 تەحنيكا, 7 موتوپومپا, جەرگىلىكتى اتقارۋشى ورگاننان 32 جۇمىسشى, 3 تەحنيكا, 3 موتوپومپا جۇمىلدىرىلعان.

سونىمەن قاتار كوشەلەردى, ۇيلەردىڭ اۋلالارىن سۋ باسۋ فاكتىسىنە بايلانىستى اۋدان اكىمدىگىنىڭ جەدەل جەلىسى ىسكە قوسىلىپ, تۇرعىندار تاراپىنان حابارلامالار تۇسكەن جاعدايدا شۇعىل ءىس-شارالار اتقارىلۋدا.