قازاقستاننىڭ جۇپتىق سىندا ءبىرىنشى, الەمنىڭ 25-راكەتكاسى اندرەي گولۋبەۆ ريم ماستەرس ءتۋرنيرىنىڭ فينالىنا شىعا المادى, دەپ حابارلايدى Egemen.kz.
قازاقستاندىق تەننيسشى ارگەنتينالىق ماكسيمو گونسالەسپەن بىرگە جارتىلاي فينالدا امەريكالىق دجون يزنەر – تاعى ءبىر ارگەنتينالىق ديەگو شۆارتسمانمەن كۇش سىناستى.
ءبىرىنشى پارتيادا امەريكالىق-ارگەنتينالىق جۇپ ءبىر برەيكپەن باسىمدىلىق تانىتتى – 6:4.
ەكىنشىسىندە ا.گولۋبەۆ پەن م.گونسالەس ءدال سونداي ەسەپپەن ەسە قايىردى – 6:4.
سۋپەر تاي-برەيكتە د.يزنەر مەن د.شۆارتسمان جەڭىستى ج ۇلىپ الدى – 11:9.
وسىلايشا, ا.گولۋبەۆ ماستەرس دودالارىندا ەكىنشى رەت جارتىلاي فينالعا دەيىن جەتتى.
امەريكالىق-ارگەنتينالىق جۇپ فينالدا وسى جارىستىڭ 3-راكەتكالارى, حورۆاتيالىقتار نيكولا مەكتيچ – ماتە پاۆيچ نەمەسە يتاليالىقتار سيمونە بولەللي – فابيو فونيني جۇپتارىنىڭ قاي جەڭگەنىمەن باس جۇلدەنى ساراپقا سالادى.