قازاقستاننىڭ سۋ رەسۋرستارىن باسقارۋ مەملەكەتتىك باعدارلاماسى جانە «مەملەكەتتىك باعدارلامالار تىزبەسىن بەكىتۋ تۋرالى» قازاقستان رەسپۋبليكاسى پرەزيدەنتىنىڭ 2010 جىلعى 19 ناۋرىزداعى №957 جارلىعىنا تولىقتىرۋ ەنگىزۋ تۋرالى
قازاقستان رەسپۋبليكاسىن ۇزاق مەرزىمدى كەزەڭدە سۋ رەسۋرستارىمەن ورنىقتى قامتاماسىز ەتۋ ماقساتىندا قاۋلى ەتەمىن: 1. قازاقستاننىڭ سۋ رەسۋرستارىن باسقارۋ مەملەكەتتىك باعدارلاماسى (بۇدان ءارى – باعدارلاما) بەكىتىلسىن. 2. قازاقستان رەسپۋبليكاسىنىڭ ۇكىمەتى: 1) قازاقستان رەسپۋبليكاسى ۇكىمەتىنىڭ باعدارلامانى ىسكە اسىرۋ جونىندەگى ءىس-شارالار جوسپارىن ءبىر اي مەرزىمدە ازىرلەپ, بەكىتسىن; 2) قازاقستان رەسپۋبليكاسى پرەزيدەنتىنىڭ اكىمشىلىگىنە باعدارلامانى ىسكە اسىرۋ مونيتورينگىنىڭ ناتيجەلەرىن «قازاقستان رەسپۋبليكاسىنداعى مەملەكەتتىك جوسپارلاۋ جۇيەسىنىڭ ودان ءارى جۇمىس ىستەۋىنىڭ كەيبىر ماسەلەلەرى تۋرالى» قازاقستان رەسپۋبليكاسى پرەزيدەنتىنىڭ 2010 جىلعى 4 ناۋرىزداعى №931 جارلىعىندا بەلگىلەنگەن مەرزىمدە جانە تارتىپپەن ەنگىزسىن. 3. ورتالىق جانە جەرگىلىكتى اتقارۋشى ورگاندار, سونداي-اق قازاقستان رەسپۋبليكاسىنىڭ پرەزيدەنتىنە تىكەلەي باعىناتىن جانە ەسەپ بەرەتىن مەملەكەتتىك ورگاندار باعدارلامانى ىسكە اسىرۋ جونىندە شارالار قابىلداسىن. 4. «مەملەكەتتىك باعدارلامالار تىزبەسىن بەكىتۋ تۋرالى» قازاقستان رەسپۋبليكاسى پرەزيدەنتىنىڭ 2010 جىلعى 19 ناۋرىزداعى №957 جارلىعىنا (قازاقستان رەسپۋبليكاسىنىڭ ءپۇاج-ى, 2010 ج., №25-26, 185-قۇجات; 2011 ج., №3-4, 39-قۇجات; 2012 ج., №9, 171-قۇجات; №47, 626-قۇجات; 2013 ج., №11, 200-قۇجات) مىناداي تولىقتىرۋ ەنگىزىلسىن: جوعارىدا اتالعان جارلىقپەن بەكىتىلگەن مەملەكەتتىك باعدارلامالار تىزبەسى مىناداي مازمۇنداعى رەتتىك ءنومىرى 10-جولمەن تولىقتىرىلسىن: «10. قازاقستاننىڭ سۋ رەسۋرستارىن باسقارۋ مەملەكەتتىك باعدارلاماسى قازاقستان رەسپۋبليكاسى قورشاعان ورتا جانە سۋ رەسۋرستارى مينيسترلىگى 2013 جىلعى 30 قازانعا دەيىن 2014 – 2020 جىلدار 2013 جىلعى 31 جەلتوقسانعا دەيىن». 5. وسى جارلىقتىڭ ورىندالۋىن باقىلاۋ قازاقستان رەسپۋبليكاسى پرەزيدەنتىنىڭ اكىمشىلىگىنە جۇكتەلسىن. 6. وسى جارلىق قول قويىلعان كۇنىنەن باستاپ قولدانىسقا ەنگىزىلەدى. قازاقستان رەسپۋبليكاسىنىڭ پرەزيدەنتى ن.نازارباەۆ. استانا, اقوردا, 2014 جىلعى 4 ءساۋىر.قازاقستاننىڭ سۋ رەسۋرستارىن باسقارۋ مەملەكەتتىك باعدارلاماسىنا
تۇسىنىكتەمە
مەملەكەت باسشىسىنىڭ «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» اتتى قازاقستان حالقىنا جولداۋىندا XXI عاسىردىڭ جاھاندىق ون سىن-قاتەرىنىڭ ءبىرى بولىپ بەلگىلەنگەن بولجامدالاتىن سۋدىڭ تىم تاپشىلىعى جانە سول ءۇشىن ءبىزدىڭ مەملەكەتتىڭ سۋ رەسۋرستارىنا قاتىستى جاڭا ساياسات تۇجىرىمداۋ قاجەتتىگى تۋىندادى. ۇكىمەتكە دايەكتىلىكپەن, ءبىرىنشى كەزەڭدە 2020 جىلعا قاراي – تۇرعىنداردى اۋىزسۋمەن قامتاماسىز ەتۋ, 2040 جىلعا قاراي سۋارۋ پروبلەماسىن شەشەتىن ۇزاق مەرزىمدى باعدارلاما جاساۋ تاپسىردى. 2014 جىلعى 4 ساۋىردە قازاقستان رەسپۋبليكاسى پرەزيدەنتىنىڭ №786 جارلىعىمەن قازاقستاننىڭ سۋ رەسۋرستارىن باسقارۋ مەملەكەتتىك باعدارلاماسى بەكىتىلدى. مەملەكەتتىك باعدارلامانىڭ ستراتەگيالىق ماقساتى سۋ رەسۋرستارىن باسقارۋدىڭ تيىمدىلىگىن ارتتىرۋ ارقىلى قازاقستان رەسپۋبليكاسىنىڭ سۋ قاۋىپسىزدىگىن قامتاماسىز ەتۋ بولىپ تابىلادى. مەملەكەتتىك باعدارلامانىڭ: سۋ ۇنەمدەۋ جانە قولدا بار سۋ رەسۋرستارىنىڭ كولەمىن ۇلعايتۋ جونىندەگى شارالاردى جۇزەگە اسىرۋ ارقىلى حالىقتى, قورشاعان ورتانى جانە ەكونوميكا سالالارىن سۋ رەسۋرستارىمەن كەپىلدى قامتاماسىز ەتۋ; سۋ رەسۋرستارىن باسقارۋ تيىمدىلىگىن ارتتىرۋ; سۋدىڭ ەكولوگيالىق جۇيەلەرىنىڭ ساقتالۋىن قامتاماسىز ەتۋ باستى مىندەتتەرى بولىپ تابىلادى. باعدارلاما ەكوجۇيەنى ساقتاۋ ءۇشىن سۋ رەسۋرستارى تاپشىلىعىن بولدىرماۋ, حالىقتى, ەكونوميكانىڭ جوسپارلانعان ءوسىمىن قامتاماسىز ەتۋ, سونداي-اق سۋ رەسۋرستارىن باسقارۋ جۇيەسىن جەتىلدىرۋ ماسەلەسىن شەشۋگە باعىتتالعان. سۋ شارۋاشىلىعى ينفراقۇرىلىمدى جەتىلدىرۋ جانە دامىتۋ, سۋ رەسۋرستارىن ءتيىمدى پايدالانۋ, ەلدى مەكەندەردى سۋمەن قامتۋ جانە سۋ بۇرۋ جۇيەلەرىن جەتىلدىرۋ, سونداي-اق سۋ رەسۋرستارىن ءتيىمدى باسقارۋ بويىنشا شارالار ەسەبىنەن 2020 جىلعا قاراي سۋ رەسۋرستارىنىڭ كۇتىلەتىن تاپشىلىعىن قىسقارتۋ جونىندەگى شارالار كوزدەلگەن. ۇسىنىلعان شارالار ءبىرىنشى كەزەڭدە 2020 جىلعا قاراي سۋ تۇتىنۋدى ءىجو بىرلىگىنە العاندا ناقتى ماندە 2012 جىلدىڭ دەڭگەيىندە العاندا 33%-عا تومەندەتۋگە مۇمكىندىك بەرەدى جانە بۇل مەملەكەتتىك باعدارلامانى ىسكە اسىرۋدىڭ باستى ينديكاتورى بولىپ تابىلادى. قازاقستان رەسپۋبليكاسى پرەزيدەنتى اكىمشىلىگىنىڭ الەۋمەتتىك-ەكونوميكالىق مونيتورينگ ءبولىمى