10 مامىر كۇنى ساعات 5.00-دە ورالداعى تۇرمەدە جازاسىن وتەۋشىلەر توبەلەسىپ, 10 ادام جاراقات الدى, دەپ حابارلايدى Egemen.kz بقو بويىنشا قىلمىستىق-اتقارۋ جۇيەسى دەپارتامەنتى ءباسپاسوز قىزمەتىنە سىلتەمە جاساپ.
وقيعا رۋ-170/2 مەكەمەسىندە بولعان.
مەكەمە جاتاقحاناسىندا جازاسىن وتەۋشىلەر ءبىر-بىرىمەن سوزگە كەلىپ, سوڭى بۇزاقىلىق ارەكەتكە ۇلاسقان. 10 مينۋت ىشىندە كەزەكشى جاساقتىڭ كۇشىمەن توبەلەس توقتاتىلعان. بارلىق قاتىسۋشىلارعا العاشقى مەديتسينالىق جاردەم كورسەتىلىپ, وبلىستىق كوپبەيىندى اۋرۋحاناعا جەتكىزىلگەن. جازاسىن وتەۋشىلەردىڭ ومىرىنە قاۋىپ جوق.
«اتالعان دەرەك بويىنشا ورال قالاسى پوليتسيا باسقارماسى زاچاگان پوليتسيا ءبولىمى قىزمەتكەرلەرىمەن قر قك 107-بابى 2-بولىگىنە (دەنساۋلىققا قاساقانا اۋىرلىعى ورتاشا زيان كەلتiرۋ) سايكەس سوتقا دەيىنگى تەرگەۋ امالدارى جۇرگىزىلۋدە. كۇنى بۇگىن جازاسىن وتەۋشىلەر تاراپىنان ارىز-شاعىم تۇسكەن جوق. قىزمەتتىك تەكسەرۋ تاعايىندالدى», دەپ حابارلادى ۆەدومستۆودان.
بقو پوليتسيا دەپارتامەنتى ءباسپاسوز قىزمەتىنىڭ اقپاراتىنشا, وقيعا سالدارىنان جاراقات العان 1985 جىلعى جازاسىن وتەۋشى دارىگەر قاراعاننان كەيىن وبلىستىق اۋرۋحانانىڭ جانساقتاۋ بولىمىنە جاتقىزىلعان. 1992 جانە 1988 جىلعى جازاسىن وتەۋشىلەر دارىگەرلەر قاراعاننان كەيىن كەرى قايتارىلعان. وقيعا ورنىنان ۇزىندىعى 1 مەتر 6 دانا مەتالل تۇربا, ۇزىندىعى 1 مەتر 3 دانا اعاش تاياق, قارا-قوڭىر داقتار الىنعان.
بقو دەنساۋلىق ساقتاۋ باسقارماسىنىڭ ناقتىلاۋىنشا, بارلىعى 10 ادام جاراقات العان. ولاردىڭ ەكەۋى مەديتسينالىق كومەكتەن باس تارتتى. جەتەۋى قالالىق كوپبەيىندى اۋرۋحاناعا جەتكىزىلدى. كومەك كورسەتىلگەننەن كەيىن وتىرعان جەرلەرىنە قايتارىلدى. تومەنگى جاق سۇيەگى سىنعان ءبىر ادام وبلىستىق اۋرۋحاناعا جاتقىزىلدى.