قىتايدىڭ وڭتۇستىك-باتىسىندا جولاۋشىلار وتىرعان ۇشاق ۇشۋ-قونۋ جولاعىنان شىعىپ كەتىپ, ورتەنىپ كەتتى, دەپ حابارلايدى Egemen.kz Xinhua اگەنتتىگىنە سىلتەمە جاساپ.
وقيعا بەيسەنبىدە جەرگىلىكتى ۋاقىت بويىنشا ساعات 08.00-دە بولعان. Tibet Airlines قىتايلىق اۋەكومپانياسىنىڭ A319 اۋەلاينەرىندە 122 ادام وتىرعان. ۇشاق ۇشۋ-قونۋ جولاعىنان شىعىپ كەتىپ, چۋنتسين اۋەجايىنىڭ ماڭىندا ورتەنىپ كەتتى.
بارلىق 113 جولاۋشى مەن 9 ەكيپاج مۇشەسى قاۋىپسىز جەرگە شىعارىلدى. جاراقات العان 40-تان استام جولاۋشى ەم الۋ ءۇشىن قالالىق اۋرۋحانالارعا جەتكىزىلدى. قازىرگى ۋاقىتتا چۋنتسين تسزيانبەي حالىقارالىق اۋەجايىندا ۇشۋ-قونۋ رەيستەرى قالىپتى جاعدايعا ورالدى. وقيعانىڭ سەبەبى انىقتالىپ جاتىر.