بۇرىندارى كورەرمەندەردىڭ كوپشىلىگى «كوك جاشىككە» تەلمىرىپ, شەتەل سەريالدارىن قىزىقتاۋشى ەدى. سوڭعى جىلدارى وتاندىق كينويندۋستريانىڭ وسى سالاداعى ونىمدەرى وزىمىزدە دە كوپتەپ شىعارىلىپ, جۇرتشىلىقتىڭ كوزايىمىنا اينالىپ كەلەدى.
گازەت-جۋرنال, كىتاپ وقىپ, راديو تىڭداپ, تەلەديدار كورەتىندەر ساناتىندا بارمىز. ءسات سايىن الۋان ءتۇرلى وقيعالار ورىن الىپ, اقپاراتتار تاسقىنى سانانى جاۋلاپ الىپ جاتقان مىنا الماعايىپ زاماندا ءبىر مەزگىل تەلەسەريال تاماشالاعانعا نە جەتسىن.
قايسىبىر جىلى «كۇي-كەرۋەن» اتتى سەريالدى بىرقاۋىم ۋاقىت تۇششىنا كورگەن ەدىك. سودان كەيىنگى ۇناعانى وسى «اۋىل مۇعالىمى» تەلەتۋىندىسى بولدى. باس-اياعى وتىز شاقتى سەريادان تۇراتىن فيلم اۋىل ءومىرىن شىنايى بەينەلەۋىمەن ەستە قالدى. اسىرەسە پروفەسسور اعاي مەن ونىڭ اڭعال دا پەرىشتە كوڭىل شاكىرتتەرىنىڭ شىم-شىتىرىققا تولى وقيعالارى ەزۋگە كۇلكى ءۇيىرىپ, ءبىر كەزدەگى بالالىق شاقتى ەسكە ءتۇسىردى. ءدال قازىرگى تاڭدا «Qazaqstan» ۇلتتىق تەلەارناسى ارقىلى قالىڭ كورەرمەن نازارىنا اۋىل ءومىرىن قامتيتىن كوپ سەريالى «ىنتىماق اۋىلى» اتتى تەلەفيلم ۇسىنىلىپ جاتىر.
سانانى سەرگىتەتىن وسىنداي دۇنيەلەر الداعى كەزدە دە كوبەيە بەرگەي دەگەن تىلەك بار.
كارىباي امزە ۇلى,
ەڭبەك ارداگەرى
تۇركىستان وبلىسى