مەن 1982 جىلى قازاقتىڭ اۋىل شارۋاشىلىعى ينستيتۋتىن ەكونوميست ماماندىعى بويىنشا ويداعىداي ءبىتىرىپ, ارنايى شاقىرتۋ قاعازىمەن ەڭبەك جولىمدى تۋعان جەرىم – بۇرىنعى سۆەردلوۆ اۋدانىنداعى (قازىرگى بايزاق اۋدانى كەڭەس اۋىلى) «كەڭەس» ۇجىمشارىندا باس بۋحگالتەردىڭ ورىنباسارى, مال شارۋاشىلىعى بويىنشا بۋحگالتەر بولىپ باستاعان بولاتىنمىن.
كەيىننەن ەكونوميست بولا ءجۇرىپ, ۇجىمشاردىڭ ءاربىر شارۋاشىلىعىنا تىكەلەي ارالاستىم. اتالعان اۋىلدىڭ نەگىزگى باعىتى مال شارۋاشىلىعى بولعاندىقتان, مال قىستا مويىنقۇمدا, جازدا سارىارقا (قاراعاندى بولىسىنداعى قاراجال قالاسىنىڭ ماڭىندا) توسىندە جايىلاتىن. ال مال باسى ءوسىپ, ونىڭ ونىمدەرىن ءوندىرۋ جوسپارىن اسىرا ورىنداپ وتىراتىن «كەڭەس» ۇجىمشارى اۋدانداعى الدىڭعى قاتارلى شارۋاشىلىقتاردىڭ ءبىرى ەدى.
ءتورت ت ۇلىك مالدىڭ ورتاسىندا وسكەندىكتەن, جىلقىنىڭ ۇمىت بولا باستاعان ءتۇر-ءتۇسىن, ات ابزەلدەرىن كەيىنگى جاستارعا, ياعني مالساق جۇرتتىڭ بالالارىنا جەتكىزسەم دەگەن ويمەن بار بىلگەندەرىمدى سولارعا ۇيرەتۋمەن كەلەمىن. بۇل تۇرعىداعى ءبىلىمىمدى جەتىلدىرۋگە 17 جىلداي سارىارقاداعى سارىسۋ اۋدانىنىڭ قامقالى كەڭشارىندا جىلقىنى ءبىر كىسىدەي باعىپ, وسىرگەن بايزاق اۋدانىنداعى قوستوبە اۋىلىنىڭ تۇرعىنى, بۇگىندە مارقۇم بولعان ەڭبەك تيىشتىقوۆ اعانىڭ قوسقان ۇلەسى زور.
جالپى, جىلقى مالىنىڭ جاسىن, ءتۇر-ءتۇسىن, كەرەك ابزەل-جابدىقتارىن قازاق جاستارىنىڭ بىلە جۇرگەندەرى ءجون. ال اۋىلداعى ۇلكەن كىسىلەر مەن قاريالار نەمەسە تىكەلەي مال شارۋاشىلىعىمەن اينالىساتىن ماماندار كەيىنگى ۇرپاققا سالت-داستۇرلەرىمىزدى بىلگەندەرىنشە ايتىپ جۇرسە, ەش ارتىقتىق ەتپەيتىنى انىق.
تولە نارجانوۆ,
اۋداندىق تاريحي-ولكەتانۋ مۋزەيىنىڭ قىزمەتكەرى
جامبىل وبلىسى,
بايزاق اۋدانى