شقو-دا دالا وتى ءورشىپ تۇر

شقو توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, قۇتقارۋشىلار دالا ورتىمەن دامىلسىز كۇرەسۋدە. 10 مامىردا التاي اۋدانى ەرماكوۆكا اۋىلىندا ءشوپ پەن بۇتالار جانعان. وتتى اۋىزدىقتاۋعا جەكە قۇرامنان 54 ادام, 8 تەحنيكا, جەرگىلىكتى اتقارۋشى ورگاننان 8 قىزمەتكەر, 2 تەحنيكا, ورمانشىلاردان 20 ادام مەن 4 تەحنيكا جۇمىلدىرىلدى.

بۇدان بولەك, «قازاۆياقۇتقارۋ» اق-نىڭ مي-8 تىكۇشاعى تارتىلىپ, اۋەدەن 33 توننا سۋ توگىلدى. 70 گەكتار اۋماققا جايىلعان ءورت ساعات 20.50-دە وقشاۋلاندى.

الدىن الا مالىمەت بويىنشا جالىننىڭ شىعۋىنا وتتى پايدالانۋدا قاۋىپسىزدىك شارالارىن ساقتاماۋ سەبەپ بولعان.

كوپ جاعدايدا ءورت اشىق اۋماقتا, ساياجايلاردا جانە تۇرعىن ءۇي سەكتورىندا تىركەلەدى.

ايانا توعانبەك