تاريحي بەتبۇرىس كەزەڭى

قازىرگى تاڭدا ەلىمىز ءۇشىن سايا­سي جۇيەمىزدى تۇبىرىمەن وزگەر­تۋ قاجەت. بۇل – حالىقتىڭ تا­لاپ-تىلەگى. قازاقستانداعى مەم­لەكەتتىك باسقارۋ ىسىنە بارشامىز ارالاسۋىمىز قاجەت. ەلىمىز­دەگى ساياسي ۇدەرىس تۇبەگەي­لى دەموكراتيالانۋعا ءتيىس. پرە­زيدەنت­تىڭ رەفەرەندۋم وتكىزۋ تۋرالى ۇسىنىسى وسىعان بايلانىستى دەپ ەسەپتەيمىن.

اتا زاڭىمىزعا وزگەرىس ەنگىزۋ ماقساتىندا ارنايى جۇمىس توبى قۇرىلعانى بەل­گى­لى. سولاردىڭ باس بولۋىمەن كونستيتۋتسياعا ەنگىزى­لەتىن وزگە­رىستەر مەن تولىق­تىرۋ­لار­­دىڭ جوباسى ازىرلەن­دى. جال­پىلاي ايتقاندا, اتا زاڭ­نىڭ ۇشتەن ءبىرى وزگەرەدى. بۇل كونستيتۋتسيامىزدىڭ تۇبەگەيلى جاڭاراتىنىن بىلدىرەدى.

ەندى وسى وزگەرىستەر مەن تو­لىق­­تىرۋ­لاردىڭ ماعان ۇناعان تۇس­­­تارىن اتاپ وتسەم. بىرىنشىدەن, كون­س­­تي­تۋ­تسيا­عا تۇزەتۋلەر جوبا­سىن­­دا ازا­ماتتاردىڭ قۇقىق­تارىن قور­عاۋعا باعىت­تال­عان كونستي­تۋ­­تسيالىق سوت قۇرى­لادى. بۇل قا­زىر­گىدەي كەزەڭدە وتە وزەكتى بولىپ تۇر.

ەكىنشىدەن, پرەزيدەنت­تىڭ وكىلەتتىگىن جۇزەگە اسىرۋ كەزەڭىن­دە, ساياسي پارتيالاردا بولۋىنا, ونىڭ جاقىن تۋىستارىنا كۆازيمەملەكەتتىك سەكتوردا, ساياسي نەمەسە باسشى لاۋازىمداردى اتقارۋعا تى­يىم سالىنادى. بۇل ماڭىزدى قادام دەپ ەسەپتەيمىن. سەبەبى مەملەكەتتىڭ باسشىسى بەلگىلى ءبىر پارتيانىڭ مۇددەسىن ەمەس, حالىقتىڭ قامىن ويلاۋعا ءتيىس. سونداي-اق ونىڭ تۋىستارى لاۋازىمدى قىزمەت اتقارسا, نەپوتيزمگە جول اشىلادى.

ۇشىنشىدەن, كونستيتۋتسياعا ەنگىزىلەتىن وزگەرىستەر پارلا­مەنتتىڭ جۇمىسى مەن ونىڭ سايلاۋ جۇيەسىنە قاتىستى. تۇزەتۋلەر «سۋپەرپرەزيدەنتتىك» باسقارۋ ۇلگىسىنەن ىقپالدى پار­ل­امەنتى جانە ەسەپ بەرەتىن ۇكى­مەتى بار پرەزيدەنتتىك رەس­پۋب­ليكاعا تۇبەگەيلى كوشۋدى كوز­دەيدى. ءماسليحاتتاردىڭ ىقپالى ارتپاق. ءماجىلىس پەن وبلىستىق ءماسليحاتتاردىڭ دەپۋتاتتارى ارالاس ماجوريتارلى-پروپورتسيونالدى تۇردە سايلانادى.

قورىتا ايتقاندا, 5 ماۋسىم قازاقستان ءۇشىن تاعدىرشەش­تى كەزەڭگە اينالماق. وسى كۇن­نەن باستاپ تاريحي بەتبۇرىس جاسادىق دەپ ايتا الامىز.

داۋلەتكەرەي راحمەتۋللين,

«جاڭارۋ» سىبايلاس جەمقورلىققا قارسى جالپىۇلتتىق قوزعالىس» رقب توراعاسىنىڭ ورىنباسارى