پارلامەنت ءماجىلىسىنىڭ سپيكەرى ەرلان قوشانوۆتىڭ توراعالىعىمەن بيۋرو وتىرىسى ءوتىپ, وندا الداعى جالپى وتىرىستىڭ كۇن ءتارتىبىنىڭ جوباسى ناقتىلاندى, دەپ حابارلادى ءماجىلىستىڭ ءباسپاسوز قىزمەتى.
بيۋرودا سترەستىك اكتيۆتەر نارىعىن دامىتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى زاڭ جوباسىن قاراۋ ۇسىنىلدى.
ۇكىمەتتىك زاڭ جوبا سترەستى اكتيۆتەردىڭ ءوتىمدى نارىعىن دامىتۋ جانە سترەستى اكتيۆتەردى ەكونوميكالىق اينالىمعا تارتۋ ءۇشىن قولايلى جاعدايلار جاساۋعا باعىتتالعان.
وتىرىس بارىسىندا ءماجىلىس دەپۋتاتتارى مۇگەدەكتىگى بار ادامداردىڭ ءومىر ءسۇرۋ ساپاسىن جاقسارتۋ ماسەلەلەرى تۋرالى زاڭ جوباسىن ەكىنشى وقىلىمدا قارايتىن بولادى.
سونىمەن قاتار پالاتاعا قازاقستان مەن قىرعىز رەسپۋبليكاسى اراسىنداعى مينيسترلەر كابينەتى اراسىنداعى ورتالىق ازيا ءوڭىرىنىڭ قاۋىپسىزدىگىن قامتاماسىز ەتۋدە اسكەري-تەحنيكالىق جاردەم كورسەتۋ تۋرالى كەلىسىمدى راتيفيكاتسيالاۋ تۋرالى زاڭ جوباسىن قاراۋ ۇسىنىلادى.
پارلامەنت ءماجىلىسىنىڭ پالاتا كوميتەتى الداعى جالپى وتىرىستا ازاماتتاردىڭ تولەم قابىلەتتىلىگىن قالپىنا كەلتىرۋ جانە بانكروتتىعى تۋرالى, سونداي-اق وعان ىلەسپە زاڭ جوبالارىن جۇمىسقا الادى.