نۇر-سۇلتاندا وتان قورعاۋشىلار مەن جەڭىس كۇندەرى قارساڭىندا ىشكى ىستەر مينيسترلىگىنىڭ مەموريالدىق كەشەنى اشىلدى, دەپ حابارلايدى Egemen.kz.
ۆەدومستۆونىڭ مالىمەتىنشە, بۇل نىسان جەڭىستىڭ 77 جىلدىعىنا وراي جانە وتانىن قورعاپ, ەرلىك كورسەتكەن ىشكى ىستەر ورگاندارىنىڭ قىزمەتكەرلەرى – قازاقستاندىق جاۋىنگەرلەردىڭ قۇرمەتىنە سالىندى.
«بۇنى سۇراپىل ۇلى وتان سوعىسىنىڭ كەزىندە ەلى ءۇشىن, حالقى ءۇشىن جانىن پيدا ەتكەن, ءومىرىن قيعان تالاي قازاق باتىرلارىنا, سول ۇلى وتان سوعىسىنا قاتىسقان ازاماتتاردىڭ بارىنە, سوعىستا جەڭىسكە جەتۋ ءۇشىن تىلدا ەڭبەك ەتكەن, ەرلىك جاساعان ءبىزدىڭ حالقىمىز ءۇشىن قويىلعان ۇلكەن ەسكەرتكىش دەپ قاراستىرۋىمىز كەرەك دەپ ويلايمىن», دەدى پرەمەر-ءمينيستردىڭ ورىنباسارى ەرالى توعجانوۆ تاقتانىڭ تانىستىرىلىمىندا.
ايتا كەتۋ كەرەك, ۇلى وتان سوعىسىنا 1,5 ميلليوننان استام قازاقستاندىق قاتىستى, ولاردىڭ جارتىسىنان كوبى مايدان دالاسىنان ەلگە ورالعان جوق. 500-دەي وتانداسىمىز كەڭەس وداعىنىڭ باتىرى اتانىپ, 124-ءى «داڭق» وردەنىنىڭ تولىق يەگەرى بولدى.