قازىر قاراعاندىلىقتاردى الاڭداتقان بۇل حابار «شيقان ۇستىنە قوتىر» دەگەن ءسوزدى ەسكە تۇسىرەردەي. اپىراي, سول سان سوقتىرعان سالاقتىق ءبىر ەمەس-اۋ, تاعى تاز قالپىنان تايماپتى. تۇزەلىس, وزگەرىستىڭ «ۇشتىعى تۇگىل, پۇشتىعى جوق» بولىپ قالىپتى.
ايتايىن دەپ وتىرعان ماسەلەمىز ءدۇيىم جۇرتقا ءمالىم بولعان جايدىڭ جالعاسى. قاراعاندىنىڭ «بەسوبا» اتتى ايماعىندا بۇرناعى جىلى قۇلاپ تۇسكەن ءۇيدىڭ ورنىنا سالىنىپ جاتقان جاڭاسىنىڭ قۇرىلىسىنان دا شيكىلىك شىقسا, بۇلاي دەمەسكە نە لاج. اتاۋى «بەسوبادان» «شاپاعاتقا» اۋىستىرىلعان وندا تۇرعىزىلعان سىرتى ءاپ-ادەمى كوپ پاتەرلى مەكەنجايدىڭ ساپاسى باياعى باسى باپان, اياعى ساپان كۇيگە ەنىپتى. قۇرىلىس جانە كوممۋنالدىق شارۋاشىلىق ىستەرى جونىندەگى كوميتەت تەكسەرۋشىلەرى انىقتاعانداي, قۇرىلىس تالابىنان ءبىراز اۋىتقۋلار بار, بۇرىنعىسىنشا ارزانقولدى, كوپكە شىداس بەرمەيتىن ماتەريالداردى قولدانۋ قايتالانعان كورىنەدى.
ال وسىلايشا انادان دا, مىنادان دا ۇنەمدەپ كوتەرگەن «بەسوبانىڭ» اقىرى نە بولعانى بەلگىلى. كەشەگى كىناراتتىڭ ءىزى سۋىماي جاتىپ-اق تۇك بولماعانداي, كوزدى جۇمىپ ءۇي سالۋشىلاردىڭ ايىلىن جيماۋى قالاي؟. سولاي بولا بەرە مە؟ الدى « شاپاعاتقا» امالسىز اسىعىس قونىستانعاندار, سوعان دايىن وتىرعاندار تاعى قاپىدا قالۋلارىنا قورقادى. قۇرىلىسشىلار شە؟ بەلگىسىز.
ايقىن نەسىپباي,
«ەگەمەن قازاقستان».
قاراعاندى.