اكادەميك قانىش يمانتاي ۇلى ساتباەۆتىڭ تۋعانىنا 115 جىل تولۋ مەرەيتويىنا وراي ساتباەۆ قالاسىندا عالىمنىڭ ەسكەرتكىشى بوي كوتەردى.
سالتاناتتى جيىندا قالا اكىمى ءانۋار ومار, «جەزقازعانتۇستىمەت» وندىرىستىك ءبىرلەستىگىنىڭ باس ديرەكتورى سايات باكىروۆ, ەڭبەك ارداگەرى ياحيا اساتوۆ, اكادەميكتىڭ نەمەرەسى ءاليما جارماعامبەتوۆا جانە ت.ب. ادامدار قۇتتىقتاۋ ءسوز سويلەدى. بەلگىلى ءمۇسىنشى, «پاراسات» وردەنىنىڭ يەگەرى جاۋباسار قاليەۆ جاساعان عالىمنىڭ قولادان قۇيىلعان نەگىزگى ءمۇسىنىنىڭ بيىكتىگى – 4,4 مەتر بولسا, ال جالپى بيىكتىگى 8 مەتر. ەسكەرتكىش جەرگىلىكتى بيۋدجەتتىڭ قارجىسىنا جاسالىپ, سالىندى.
ابدوللا داستانوۆ,
ساتباەۆ قالالىق «مىستى ءوڭىر»
گازەتىنىڭ رەداكتورى.