قاسىم-جومارت توقاەۆقا مەملەكەتتىك قىزمەت حابى باسقارۋشى كوميتەتىنىڭ توراعاسى ءاليحان بايمەنوۆ مەملەكەتتىك باسقارۋداعى جاھاندىق ۇدەرىستەر تۋرالى مالىمەت بەردى, دەپ حابارلايدى Egemen.kz اقورداعا سىلتەمە جاساپ.
سونىمەن قاتار پرەزيدەنتتىڭ مەملەكەتتىك اپپاراتتى بيۋروكراتيادان ارىلتۋ تۋرالى جارلىعىن جۇزەگە اسىرۋدىڭ ءتيىمدى جولدارى تالقىلاندى. سالاداعى جەمقورلىقپەن كۇرەس تاسىلدەرىن جانە مەملەكەتتىك قىزمەتشىلەردىڭ بىلىكتىلىگى مەن كاسىبيلىگىن ۇزدىكسىز دامىتىپ وتىرۋ جايىندا پىكىر الماستى.
كەزدەسۋدە مەملەكەتتىك قىزمەت پەن مەملەكەتتىك اپپاراتتىڭ جۇمىسىن جەتىلدىرۋدە حالىقارالىق ىنتىماقتاستىقتىڭ ماڭىزدى ەكەنى ايتىلدى. سونداي-اق ۇزدىك حالىقارالىق تاجىريبەلەردى ەلەكتەن وتكىزىپ, مەملەكەتتىك اپپارات جۇمىسىنا پايدالانۋ قاجەت ەكەنى اتاپ ءوتىلدى.